قالین: تورکیه آمریکایا قارشیلیق وئرجک
"جو بایدنین بو قورخونج آچیقلاماسی سون درجه عدالتسیز بیر آچیقلاما"
جمهورباشقانلیغی سؤزچوسو ابراهیم قالین،
آمریکا باشقانی جو بایدنین ۱۹۱۵ حادثهلرینی "سویقیریم" اولاراق تانیملاماسینا تورکیهنین قارشیلیق وئرجگینی ایفاده ائتدی.
اینگیلیس خبر آژانسی رویترزه دانیشان ابراهیم قالین،
"جو بایدنین بو قورخونج آچیقلاماسی سون درجه عدالتسیز بیر آچیقلاما. تامامیله رد ائدیریک، قیناییریق. آچیقلاما تاریخی گئرچکلرله ده دستکلنمیر. حقوقی بیر تملی یوخ" دئدی.
تورکیهنین سؤز قونوسو آچیقلامایا زامان ایچینده جاواب وئرجگینی بیلدیرن قالین،
"اؤنوموزدهکی گون و آیلاردا، فرقلی شکیل، نؤوع و درجهلرده بیر جاواب وئریلهجک" ایفادهلرینی ایشلتدی.
آچیقلامانین سیاسی اولاراق دا مسئولیتسیز بیر آچیقلاما اولدوغونو سؤیلهیهن قالین،
"سیاسی اولاراق باخساق، بو مسئولیتسیزجه و یاپیجی اولمایان بیر آچیقلاما. قاراباغین قورتاریلماسیندان (اکتبر ۲۰۲۰) سونرا ارمنیستان ایله نورماللاشما گیریشیملری داخیل، تورکیهنین ایچینده اولدوغو هئچ بیر سورهجه قاتقیسی دا یوخ. طبیعی کی تورکیه-آمریکا ایلیشکیلرینه ده تأثیری اولاجاق" دئیه دانیشدی.
جمهورباشقانلیغی سؤزچوسو، ۲۰۰۵ده جمهورباشقانی اردوغانین آرشیولری آچاراق اورتاق بیر کمیتهنین بو قونونو آراشدیرما تکلیفینی خاطیرلاتدی.
ارمنیستان طرفینین بو چاغیریشا، اؤز ادعالارینی بوشا چیخاراجاغینی بیلدیکلری اوچون جاواب وئرمهدیگینی وورغولایان قالین، تورکیهنین بو آچیقلامایا جاواب وئرمهیه داوام ائدجگینی وورغولادی.