تورکیهدن آمریکایا جاواب: حقوق قوراللارینین اویقولاماسیندان عبارت
"ایچ ایشلرینه قاریشماغا جهد گؤسترنلری، باغیمسیز محکمهلرین یئریتدیگی محکمه پروسهلرینه سایغی گؤسترمهیه دعوت ائدیریک"
تورکیه، توتارسیز و ایچ ایشلرینه موداخیلهیه قالخیشان چئورهلری، باغیمسیز محکمه طرفیندن یئریدیلن یارغی پروسهسینه سایغی گؤسترمهیه دعوت ائتدی.
خاریجی ایشلر باخانلیغی، آمریکانین میللت وکیللیغی دوشورولن عمر فاروق گرگرلیاوغلو ایله باغلی آچیقلاماسینا تپکی وئردی.
آمریکا خاریجی ایشلر باخانلیغی سؤزچوسو ند پرایس، دونن "تورکیهده گرگرلیاوغلونون وکیلیگینین دوشورولمهسی کیمی حادثهلری یاخیندان ایزلهدیکلری" آچیقلاماسینی وئرمیشدی.
قونو ایله ایلگیلی (تورک) خاریجی ایشلر باخانلیغی یاییملادیغی جاوابیندا،
"حاقیندا کسینلشمیش یارغی قرار اولان گرگرلیاوغلونون، میللت وکیللیگی، آنایاسا و تورکیه بؤیوک میللت مجلیسی نظامنامهسینه اویغون بیر شکیلده دوشموشدور. ایچ ایشلرینه قاریشماغا جهد گؤسترنلری، باغیمسیز محکمهلرین یئریتدیگی محکمه پروسهلرینه سایغی گؤسترمهیه دعوت ائدیریک" ایفادهلرینه یئر وئردی.
پروسهنین دیگر پارلمانلاردا دا گؤرولدویو کیمی حقوق قوراللارینین تطبیقیندن عبارت اولدوغونو و سیاسی پارتیلرین، دموکراتیک سیاسی حیاتین وازگئچیلمز عنصورلاریندان اولدوغو ایفاده ائدیلن آچیقلامادا،
«بونونلا بئله، فعالیتلرینی اونیورسال و دموکراتیک حقوق قوراللاری چرچیوهسینده باریشجیل یوللار ایله حیاتا گئچیرمهلری اساسدیر. ایچ ایشلرینه قاریشماغا جهد گؤسترنلری، باغیمسیز محکمهلرین یئریتدیگی محکمه پروسهلرینه سایغی گؤسترمهیه دعوت ائدیریک" دئییلدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.