مولود چاووش اوغلو: "میصر ایله دیپلوماتیک سویه‌ده تماس‌لار قورولماغا باشلاندی"
خاریجی ایشلر ناظیری مولود چاووش اوغلو میصرله دیپلوماتیک سویه‌ده تماس‌لارین قورولماغا باشلاندیغینی سؤیله‌ییب.
خاریجی ایشلر ناظیری مولود چاووش اوغلو میصرله دیپلوماتیک سویه‌ده تماس‌لارین قورولماغا باشلاندیغینی سؤیله‌ییب.
مولود چاووش اوغلو تورکمنیستان‌دان باشلاییب اؤزبکیستان و قیرغیزیستان ایله داوام ائدن سفرینی قطر-ده یئکونلاشدیریب. چاووش اوغلو تورکیه-یه قاییدارکن تورکیه رادیو و تلویزیون قورومونون (ت.ر.ت) گوندمه دایر سوال‌لاری جاوابلاندیریب.
چاووش اوغلو تورکیه ایله میصر آراسیندا دیپلوماتیک تماس‌لارین باشلاندیغینی شرح ائده‌رک، “هر هانسی بیر ایلکین شرط میصرلی‌لردن ده گلمه‌دی، بیزدن ده هر هانسی اؤن شرط گئتمه‌دی" دئییب.
"میصرله هم کشفیات، هم ده دیپلوماتیک سویه‌ده علاقه‌میز وار" معلوماتینی بؤلوشن چاووش اوغلو قارشی‌داکی گون‌لرده دیپلومات‌لار و کشفیات سویه‌سینده دانیشیق‌لارین اولاجاغینی سؤیله‌ییب.
چاووش اوغلو قطرین پایتاختی دوحه-ده روسیا خاریجی ایشلر ناظیری سئرگئی لاوروو و قطرلی همکاری شیخ محمد بن عبدالرحمن آل ثانی ایله کئچیردیگی گؤروش‌لره ده توخونا‌راق، "قطرین خصوصیله ساحه‌دکی (سوریه) اینسانی وضعیت قارشی‌سیندا داها کونکرئت آدیم‌لار آتماق ایسته‌دیگینی گؤردوک و بونو ناظیرلر سویه‌سینده موذاکیره ائتمه‌یه قرار وئردیک" دئییب.
امریکا رهبرلیگی ایله دانیشیق‌لارا دا توخونان چاووش اوغلو گؤروش‌لرده "اس-400" هاوا هوجومون‌دان ساوونما سیستم‌لری مؤوضوع سوندا گیریت مدل‌یندن دانیشیلمادیغینی وورغولاییب.
چاووش اوغلو ژورنالیست جمال خاشوقچی‌نین اؤلدورولمه‌سیندن سونرا سعودی عربیستانی و بیرلشمیش عرب امیرلیک‌لری ایله گرگین علاقه‌لرین مثبت مئساژلارلا یاخشیلاشماغا باشلادیغینا ایشاره ائدیب.
چاووش اوغلو "ابوظبی-دن داها مثبت مئساژلار گؤروروک. تورکیه-یه قارشی منفی کامپانیانین آزالدیلدیغینی دا ائله‌جه. بون‌لارلا هئچ بیر پروبلئمیمیز یوخ‌دور، آنجاق بیزه قارشی منفی موناسیبت بسله‌دی‌لر. سعودی عربیستانی ایله موناسیبت‌لریمیزین یاخشیلاشماماسی اوچون هئچ بیر سبب یوخ‌دور. مثبت بیر آدیم آتارسا، بیز ده آتاجاغیق. عینی شئیی بیرلشمیش عرب امیرلیک لری اوچون ده سؤیله‌یه بیلریک" ایفاده‌لرین‌دن ایستیفاده ائدیب.
افغانیستان-داکی حکومت و طالبان آراسینداکی دانیشیق‌لارا دا توخونان چاووش اوغلو"افغانیستان باریش پروسه‌سی توپلانتی‌سینی آوریل آییندا (ایستانبول) کئچیرمگی پلان‌لاشدیریریق" دئییب.
