پرزیدنت اردوغان، روحانی ایله دانیشدی
پرزیدنت اردوغان، تورکیه-ایران ایلیشکیلرینین گوجلندیریلمهسینه دایر ایرادهنی قورودوقلارینی بیلدیردی
پرزیدنت رجب طیب اردوغان، ایران جمهورباشقانی حسن روحانی ایله تلفندا دانیشدی.
جمهورباشقانلیغی ایلهتیشیم باشقانلیغیندان وئریلهن آچیقلامایا گؤره، تلفن دانیشیغیندا، اقتصاد، نقلیات، گوونلیک و باشقا ساحهلرده تورکیه-ایران ایشبیرلیگینی آرتیرماق اوچون آتیلان آددیملار و بؤلگهسل گلیشمهلر مذاکیره ائدیلدی.
پرزیدنت اردوغان، تورکیه-ایران ایلیشکیلرینین گوجلندیریلمهسینه دایر ایرادهنی قورودوقلارینی بیلدیردی.
یئنی آمریکا یؤنتیمینین ایرانا قارشی تک طرفلی تحریملردن واز گئچهرک ایران خالقینین رفاهینین اؤنوندهکی حاقسیز انگللری قالدیریلماسینی آرزو ائتدیکلرینی بیلدیرن پرزیدنت اردوغان، سون بیر نئچه گونده بو قونودا وئریلهن آچیقلامالارین یئنی بیر فرصت پنجرهسی آچماسینا وسیله اولدوغونو سؤیلهدی.
پرزیدنت اردوغان، بوتون طرفلرین "برجام"ین ایشلر حالا گتیریلمهسینه چالیشماسینین ان دوغرو حرکت یولو اولدوغونو و بوتون چتینلیکلره باخمایاراق دیالوگ قاپیلارینی آچیق ساخلاماغین اؤنملی اولدوغونو بیلدیردی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.