آذربایجان‌لی غازی‌لر معالیجه اوچون تورکیه‌ده

داغلیق قاراباغ‌داکی ساواشدا یارالانان ۱۰ آذربایجان‌لی غازی معالیجه اوچون تورکیه‌یه گؤندریلدی.

شهید و غازیلرین سورونلارینی حل ائتمک اوچون آذربایجان دؤولتی طرفین‌دن قورولان "یاشاد فوندو"ندان وئریلن آچیقلامادا، آذربایجان‌لی دکترلارین گؤروشلرینی نظره آلیناراق، ۱۰ غازینین معاینه و معالیجه پروسه‌سینین تورکیه‌ده داوام ائدجگینی بیلدیردی.

آچیقلامادا "یاشاد فوندو"نون بوندان سونرا دا احتیاج اولدوق‌دا آغیر یارالی غازیلرین معالیجه‌ اوچون یورد دیشینا گؤندریلمه‌سینی تامین ائدجگی قید ائدیلدی.

"یاشاد فوندو" داها اؤنجه ده اوچ غازینی معالیجه‌سی اوچون تورکیه‌یه گؤندرمیشدی.