چاووش اوغلو: "پ.کا.کا-نین قتل عامی قارشیسیندا سسسیز قالدیلار"
خاریجی ایشلر ناظیری مولود چاووش اوغلو ترورلا موباریزه آپاردیغینی ادعا ائدن اؤلکهلرین بؤلوجو ترور تشکیلاتی پ.کا.کا-نین قتل عامینا سسسیز قالدیقلارینی بیلدیریب.
"ترورلا موباریزه آپاردیغینی ادعا ائدن اؤلکهلر بؤلوجو ترور تشکیلاتی پ.کا.کا-نین قتل عامی قارشیسیندا سسسیز قالیرلار".
بونو خاریجی ایشلر ناظیری مولود چاووش اوغلو اتیوپی-نین خاریجی ایشلر ناظیری دمکه مکوننین ایشتیراکی ایله بو اؤلکهنین پایتاخت آنکاراداکی یئنی سفیرلیک بیناسینین رسمی آچیلیش مراسیمنده دئییب.
چاووش اوغلو چیخیشیندا تورکیه-نین بوتون افریقا اؤلکهلرینه هر جور دستکی گؤسترمهیه داوام ائدجگینی بیلدیرهرک، "اتیوپی و افریقا اؤلکهلرینین خصوصیله ترورلا موباریزهسینی ده گوجلو و کونکرت شکیلده دستکلمهیه داوام ائدجییک" دئییب.
چاووش اوغلو اوزون ایللردیر ترورلا موباریزه ائدن بیر میللت و اؤلکه اولاراق تورکیه-نین افریقا اؤلکهلرینین ترورلا موباریزهسینی چوخ یاخشی باشا دوشدوگونه دقت چکهرک،"بیر چوخ باتی اؤلکهسینده اولدوغو کیمی هئچ واخت ایکیلی ایستاندارت ایچینده اولمادیق، ایکی اوزلولوک ائتمهدیک.تورکیه اولاراق دا قارشی-قارشییا اولدوغوموز فرقلی ترور تشکیلاتلاری ایله، پ.کا.کا، ی.پ.گ، داعش و دیگر ترور تشکیلاتلاری ایله موباریزهمیزه داوام ائدجییک" ایفادهلردن ایستیفاده ائدیب.
تورکیه-نین هم سرحدلری داخیلینده، هم ده سرحددن کناردا ترور تشکیلاتلانمالاری ایله موباریزنی قطعیت ایله داوام ائتدیرجگینی وورغولایان چاووش اوغلو بونو دا دئییب کی، بو موباریزه ی.پ.گ/پ.کا.کا-نی اورادان تمیزلهینه قدر داوام ائدهجک. پ.کا.کا ترور تشکیلاتی همیشه اولدوغو کیمی خیانتینی گؤستردی و داها اول قاچیردیغی 13 گوناهسیز اینسانیمیزی قتله یئتیردی. البته ده کی، شهیدلریمیزین قانی یئرده قالمادی، هئچ واخت دا قالمایاجاق. آنجاق بو ایکی گونده ترورا قارشی موباریزه آپاردیقلارینی ادعا ائدن اؤلکهلرین پ.کا.کا-نین بو قتل عامی قارشیسیندا سسسیز قالدیلار و یا "اگر و اما"لارلا اؤتوشدورمهیه جهد ائتدیلر.