ایرانین استانبول باش کنسوللوق چالیشانی ترت امکداشینا سالدیردی
"ایرانین باش کنسوللوق چالیشانلارینین بیری، مسعود وردنجانی مولوی ترورونا قاریشان ایرانلی دیپلمات حاقیندا سورو سوردوغومدا، بیزه سالدیردی"
ترت وورلد کانالی خبرچی و آنالیستی اوبی شاه بندر، توئیتر حسابیندان بیر ویدئو یایینلایاراق، "ایرانین باش کنسوللوق چالیشانلارینین بیری، کنسوللوق محوطهسی دیشیندا مسعود وردنجانی(مولوی) ترورونا قاریشان ایرانلی دیپلمات حاقیندا سورو سوردوغومدا، بیزه سالدیردی" دئیه یازدی.
تورکیهده بعضی باسین اورگانلاریندا چیخان خبرلره گؤره، محمدرضا ناصرزاده آدلی ایرانلی دیپلمات، مسعود مولوی قتلی ایله باغلانتیلی اولدوغو شبههسی ایله توتوقلاندی.
بونا قارشیلیق ایران دیش ایشلری باخانلیغی سؤزچوسو سعید خطیب زاده بو قونو ایله باغلی، "باش کنسوللوغوموزون چالیشانلاریندا هئچ بیری توتوقلانمامیشدیر. آدی گئچن شخص کنسوللوق چالیشانی دئییل" دئمیشدی.
مسعود مولوی وردنجانی "جعبه سیاه" تلگرام کانالینین مودورو 14 نوامبر 2019دا ایستانبولون شیشلی بؤلگهسینده سیلاحلا وورولاراق اؤلدورولموشدو.ایستانبول پلیسی استخباراتی و تورک ملی استخبارات تشکیلاتی میتین اورتاق عملیاتی ایله قتلین فاعلی ده داخیل 11 نفر توتوقلانمیشدی.
مسعود مولوی، جعبه سیاه کانالیندا ایران و سپاه اوردوسو علیهینه بیلگی و بلگه یاییملاییردی.