اردوغان: تورکیه، آوروپا عائلهسینده لایق اولدوغو یئرینی توتمالیدیر
جمهورباشقانی اردوغان گوندم ایله باغلی اؤنملی آچیقلامالار وئردی
پرزیدنت رجب طیب اردوغان،
"هئچ بیر گئچرلیلیگی اولمایان ماکسیمالیست خریطهلر اوزریندن اؤلکهمیزین ساحللرینه حبس ائدیلمه گیریشیملرینه اعتراض ائدیریک" دئدی.
بیرلیک دایانیشماسی بهانهسینین آرخاسینا سیغینیلاراق تورکیه-آوروپابیرلیگی گوندمیندن سوء استفاده ائدیلدیگینی بیلدیرن اردوغان،
"بو یاناشما بیر طرفدن کؤکلو موناسیبتلریمیزی حبس ائدرکهن، دیگر طرفدن اتفاقین بؤلگهسل و قلوبال گوج اولما ادعاسینی ضعیفلهدیر. دوغو آغ دنیزی رقابت ساحهسیندن چیخاریب اوزون مدتلی ماراقلاریمیزا خیدمت ائدجک بیر امکداشلیق حؤوزهسینه چئویرمهلیییک" دئدی.
"یونانیستانی گرگینلیگی آرتیران فعالیتلردن ال چکمهیه دعوت ائدیریک" دئیهن پرزیدنت آراشدیرما دانیشیقلارینین یئنی بیر دؤورو خبر وئرجهگینه ایناندیغینی ایفاده ائتدی.
آوروپابیرلیگینین بو یاخینلاردا قیبریس تورک طرفی ایله هئچ بیر علاقه ساخلامادیغینا دقت چکهن رجب طیب اردوغان، سؤزلرینی بئله داوام ائتدیردی:
"آوروپابیرلیگی قیبریس پروبلئمینین حلینده نئجه آسانلاشدیریجی بیر رول اوینایابیلر. تورکیهنین و قوزئی قیبریس تورک جمهوریتینین داخیل اولمادیغی هئچ بیر حل یولوندان دوغو آغدنیزده باریشین الده ائدیلهبیلمهیهجگی آرتیق باشا دوشولموشدور. قیبریسدا اوغورسوز اولموش مدللری تکراردان مذاکیره ائتمک یئرینه یئنی و رئالیست آلترناتیولری مذاکیره ائتمهلیییک".
پرزیدنت رجب طیب اردوغان اوتوز ایلدهن سونرا اولسا دا، قاراباغدا عدالتین برپا اولوندوغونا ایشاره ائدرک، "بؤلگه حسرت قالدیغی ثابیتلیگینه قوووشدو. اوتوز ایلدیر اؤز یوردلاریندان دیدرگین دوشموش آذربایجانلی سویداشلاریمیزین دوغما یوردلارینا گئری دؤنمهسی تامین اولودو" دئدی.
جمهورباشقانی آیریجا، "مینسک قروپونون ۳۰ ایل عرضینده حل ائدهبیلمهدیگی پروبلئم تورکیهنین دستگی ایله ۴۴ گونده عدالتلی حلینی تاپدی" دئدی.
آوروپاداکی ایسلاموفوبیک یاناشمالارا توخونان اردوغان چیخیشیندا "آنتی ایسلامیزم، آوروپا دگرلری باخیمیندان بؤیوک بیر قارا دلیگه چئوریلیر، عینی زاماندا آوروپادا یاشایان ۶ میلیونا یاخین خالقیمیزین تهلوکسیزلیگینی تهدید ائدیر" دئدی.
اردوغان تورکیه و آوروپابیرلیگی ایلیشکیلرینه ده توخوناراق، اؤلکه اولاراق اوزون مدتلی بیر پرسپکتیوله مثبت گوندهم یاراتماغا و ایلیشکیلریمیزی یئنیدن یولونا قویماغا حاضیریق. اؤلکهمیزین ۶۰ ایللیک عضولوک پروسهسی بیزیم اوچون ایستراتژیک بیر سئچیم اولدوغو کیمی، آوروپابیرلیگینین ده اؤلکهمیزی تام عضولویه قبول ائتمهسی بیرلیگین گلهجگی اوچون اونتولوژیک سئچیم اولاجاق. "برکسیت" ایله آرتان بلیرسیلیک یالنیز تورکیهنین آوروپا عائلهسینده لایقلی یئرینی توتماسی ایله حل ائدیله بیلر.
دانیشماسیندا گؤمروک بیرلیگینین یئنیلنمهسینین لازیم اولدوغونا دقت چکهن اردوغان "کؤچ قونوسوندا دییشهن حقیقتلری نظره آلاجاق، ایلیشکیلریمیزه اینام و سرعت قازاندیراجاق شکیلده ائدیلمهلیدیر" دئدی.
تورکیهنین ترورلا مباریزه ساحهسینده هئچ بیر ناتو اؤلکهسینی یالنیز بوراخمادیغینی خاتطرلادان اردوغان "ناتونون دیگر اؤلکهلری بیزی نیه تک بوراخیر؟" سوالینی وئردی.
پرزیدنت یئنی نسیل کوروناویروس ویروس حاقیندا ایسه،
"اینسان اوزریندهکی تست مرحلهسیندهکی یئرلی آشیلاریمیزی لازیملی تصدیقلردن سونرا میللتیمیزین و بوتون اینسانلیغین خیدمتینه سوناجاییق" دئدی.
ایلگیلیلی خبرلر
هاکان فیدان بیرلشمیش عرب امیرلیکلرینه سفر ائدهجک
خاریجی ایشلر ناظری هاکان فیدان بیرلشمیش عرب امیرلیکلرینه رسمی سفر ائدهجک.