"تورکیه و آذربایجان قارداشلیغی و بیرلیگی سارسیلمازدیر"

آذربایجان خارجی ایشلر باخانلیغینین ۲۰۲۰ ایلینی دگرلندیردیگی مطبوعات توپلانتیسین‌دا تورکیه ایله آذربایجانین سارسیلماز بیرلیگینه دقت چئکیلدی.
مطبوعات توپلانتیسین‌دا داغلیق قاراباغی ایشغال ائد‌ن ارمنیستانا قارشی یئریدیلن عملیاتلاردا بیر چوخ اؤلکه‌نین آذربایجانا دستک وئردیگی بیلدیریلرک،
"وطن ساواشیندا یوکسک معنوی دستگینی اسیرگه‌مه‌ین تورکیه‌نین وئردیگی قاتقیلاری آیریجا وورغولاماق لازیم‌" دئییلدی.
دیگر طرف‌دن توپلانتیدا، تورکیه-آذربایجان قارداشلیغی و بیرلیگینین سارسیلماز اولدوغونون بیر داها آیدین شکیلده گؤرولدوگو وورغولاندی.
آذربایجان ۲۷سپتامبردا قاراباغ عملیاتینا باشلامیش، ۴۴ گون سونرا ظفرینی اعلان ائتمیشدی.