تورکیه یئنی نوع کروناویروسا گؤره 4 اؤلکه ایله اوچوش لاری دایاندیریب
تورکیه-ده یئنی نوع کروناویروس انفکسیونونون یاییلماسینا قارشی تدبیرلر چرچیوه‌سینده اینگیلتره، دانیمارکا، هوللاندیا و گونئی افریقا ایله اوچوش لاری موقتی دایاندیریب.
4 اؤلکه‌دن تورکیه-یه اوچوش‌لارین موقتی دایاندیریلماسی ایله باغلی قرار وئریلیب.
بونو ساغلیق ناظیری فخرالدین کوجا توییتر صحیفه‌سینده یازیب.
ناظیر اؤلکه‌دن تورکیه-یه اوچوش‌لارین موقتی دایاندیریلماسی ایله باغلی قرارین وئریلدیگینی بیلدیریب: "جمهور باشقانیمیزین تعلیماتی، نقلیات و آلت یاپی ناظیرلیگیمیزین کووردیناسیونو ایله اینگیلتره، دانیمارکا، هوللاندیا و گونئی افریقا جمهوریتیندن اؤلکه‌میزه اولان اوچوش‌لارین موقتی دایاندیریلماسینا قرار وئریلیب".
ناظیر فخرالدین کوجا تدبیرلر چرچیوه‌سینده هله ده یولدا اولان اوچوش‌لار اوچون بوتون یولچولارا تست و قرنطینه قایدا‌لاری‌نین تطبیق اولوناجاغینی دا قئید ائدیب.
قئید ائدک کی، دونیا ساغلیق تشکیلاتی اینگیلتره-ده آشکارلانان ویروسون موتاسیونا اوغرامیش فورماسی‌نین هوللاندیا، دانیمارکا و اطریش-ده موشاهیده اولوندوغونو بیلدیرمیشدی.
