تورک ملی هاوا ساوونما سیستمی حاضیردیر

حربی الکترونیک صنایعی (آسئل‌سان) و راکت صنایعی (روکت‌سان) طرفیندن گلیشدیریلن، ایلک میللی و یئرلی هاوا ساوونما موشک سیستمی حیصار-آ +، اوردویا وئریلمه‌دن اؤنجه سیناق‌دان گئچیریلدی.
پرزیدنت رجب طیب اردوغان، آسئل‌سان و روکت‌سان‌ین مدافعه صنایعی باشقان‌لیغی ایله بیرگه اینکیشاف ائتدیردیگی ایلک میللی و یئرلی هاوا مدافعه سیستمی "حیصار-آ +"ین سون  تستینین حیاتا گئچیریلدیگینی آچیقلادی.
مدافعه صنایعی باشقانلیغینین توییتر حسابین‌دا حاضرلانان ویدئودا، "توبیتاک" طرفین‌دن حاضرلانان ساواش باش‌لیغی قوللانیلاراق ائدیلن آتیش‌دا، یوکسک سرعت‌لی هدف طیاره‌سینین اوزون مسافه‌دن موفقیتله وورولدوغو ایفاده ائدیلدی.
 ویدئودا حیصار-آ-نین آتیش سیناقلارینین گؤرونتولری "ایندی حیصار آ + حاضردیر. اوغورلار!" جمله‌سی ایله پایلاشیلدی.