"مقصدیمیز اؤلکه‌میزی دؤردونجو صنایع اینقیلابی محصول و تکنولوژی لرینین بازاسینا چئویرمک‌دیر"
جمهور باشقانی رجب طیب اردوغان تورکیه دؤردونجو صنایع اینقیلاب مرکزی‌نین آچیلیش مراسیمینه گؤندردیگی ویدئو مئساژیندا دئییب.
"مقصدیمیز اؤلکه‌میزی دؤردونجو صنایع اینقیلابی محصول و تکنولوژی لرینین بازاسینا چئویرمک‌دیر"
بونو جمهور باشقانی رجب طیب اردوغان تورکیه دؤردونجو صنایع اینقیلاب مرکزی‌نین آچیلیش مراسیمینه گؤندردیگی ویدئو مئساژیندا دئییب.
دونیا اقتصادی فورومونا باغلی قورولان دؤردونجو صنایع اینقیلابی مرکزی شبکه‌سینه تورکیه-نین جاری ایلین اولینده قاتیلدیغینی خاطیرلا‌دان اردوغان بو مرکزین آوروپا‌داکی ایکی نومونه‌دن بیری اولدوغونو سؤیله‌ییب.
اردوغان "مقصدیمیز اؤلکه‌میزی میللی تکنولوژی حمله‌سی هدفیمیزه اویغون اولا‌راق دؤردونجو صنایع اینقیلابی محصول‌لاری و تکنولوژی لرینین بازاسینا چئویرمک‌دیر" ایفاده‌لردن ایستیفاده ائدیب.
اردوغان اپیدمی شرط‌لری سببیله هله ده ایسته‌دیک‌لری فعاللیغا چاتماسا دا، بو مرکزده گؤروله‌جک ایشلرین اقتصادی و سوسیال حیاتا اهمیت‌لی تحفه لر وئرجگینه ایناندیغینی بیلدیریب.
ایلک صنایع اینقیلابین‌دان (1760-جی ایللردن 1830-جو ایله قدر) اینسان‌لارین، جمعیت‌لرین و دؤولت‌لرین حیاتیندا تکنولوژینین یاراتدیغی بؤیوک دییشیکلیگین بیزلری دؤردونجو صنایع اینقیلابینا داها یاخیندان حاضیرلاماغا ایستیقامتلندیردیگینی دیله گتیرن دؤولت باشچی‌سی "دیجیتال لاشما پروسه سینده یئتیشمیش اینسان قایناق‌لاری ان کریتیک فاکتور اولا‌راق اورتایا چیخیر. تورکیه نیسبتن گنج، عزملی و تعلیم کئچمیش اینسان قایناق‌لاری ایله بو پروسه‌سه خیلی حاضیرلیق‌لی داخیل اولور" دئییب.
تورکیه-نین آرتیق بو جور تاریخی اینقیلاب‌لاری گئری‌دن دئییل، اؤنجولوک ائدن، یولونو آچان موضع ده اولماسینی ایسته‌دیک‌لرینی وورغولایان اردوغان تورکیه-نین دؤردونجو صنایع اینقیلاب مرکزی‌نین هدف‌لره چاتماسینا تحفه وئرجگینه اومید ائتدیگینی سؤیله‌ییب.
ایلگیلی‌لی خبرلر
هاکان فیدان بیرلشمیش عرب امیرلیک‌لرینه سفر ائده‌جک
خاریجی ایشلر ناظری هاکان فیدان بیرلشمیش عرب امیرلیک‌لرینه رسمی سفر ائده‌جک.
