آذربایجانا حربی قوه‌لرین گؤندریلمه‌سی باره‌ده قانون قبول ائدیب
تورکیه بویوک میللت مجلیسی آذربایجانا حربی قوه‌لرین گؤندریلمه‌سی باره‌ده قانون قبول ائدیب.
بو گون تورکیه بؤیوک میللت مجلیسینین نؤوبتی ایجلاسی کئچیریلیب.
پارلامئنتین ایجلاسیندا آذربایجانا حربی قوه‌لرین گؤندریلمه‌سینی دستکله‌ین سند تورکیه بؤیوک میللت مجلیسینده سسلنیب.
سندین ایکینجی اوخونوشون‌دان سونرا، مؤوضوع ایله باغلی 8 میللت وکیلی چیخیش ائدیب.
تورکیه بؤیوک میللت مجلیسینین عدالت و اینکیشاف پارتیسی، میلیتچی حرکت پارتیسی، جمهوریت خالق پارتیسی و ایگی پارتی نماینده‌لری قانون لاییحه‌سی‌نین لئهینه معروضه ائدیب‌لر.
چیخیش‌لاردا آذربایجانین مظفر اوردوسونون غلبه‌سیندن، حاکمیت، خالق و اوردو بیرلیگیندن غرورلا بحث اولونوب.
خالق‌لارین دموکرات پارتیسی‌نین نماینده‌سی ایسه سندین علیهینه چیخیش ائدیب.
موذاکیره‌لردن سونرا سسوئرمه کئچیریلیب و لاییحه قبول ائدیلیب.
قئید ائدک کی، قانون لاییحه‌سی جمهور باشقانی رجب طیب اردوغانین ایمضاسی ایله نوامبرین 16-دا تورکیه بؤیوک میللت مجلیسینه تقدیم ائدیلیب. قانونا گؤره، تورکیه حربچی‌لری 1 ایل مودتینه داغلیق قاراباغ-داکی روسیا-تورکیه بیرگه نظارت مرکزینده فعالیت گؤستره‌جک‌لر.
