تورکیه-‌ده کروناویروس‌دان ساغالان‌لارین سایی 293 مین 145 نفره چاتیب

تورکیه-‌ده سون 24 ساعات عرضینده داها 56 نفر یئنی نوع کروناویروس‌دان (کووید-19) دونیاسینی دییشیب.

بو باره‌ده تورکیه-‌نین ساغلیق ناظیری فخرالدین کوجا بیلدیریب.

ناظیر بیلدیریب کی، کروناویروس‌دان اؤلن‌لرین عمومی سایی 8 مین 778 نفره چاتیب.

اونون سؤزلرینه گؤره، اؤلکه‌ده 1649 یئنی یولوخما حالی قئیده آلینیب، یولوخان‌لارین عمومی سایی 334 مین 031 نفره چاتیب.

ناظیر علاوه ائدیب کی، اؤتن گون کروناویروس‌دان 1391 نفر ساغالیب، کروناویروس‌دان ساغالان‌لارین عمومی سایی 293 مین 145 نفر تشکیل ائدیر.