جمهور باشقانی رجب طیب اردوغان کویت و قطره گئدیر

جمهور باشقانی رجب طیب اردوغان کویت و قطره گئتمک اوچون پایتاخت آنکارا‌دان یولا دوشوب.

جمهور باشقانلیغی‌نین مطبوعات خیدمتی‌نین معلوماتینا گؤره، جمهور باشقانی رجب طیب اردوغان کویته سفری چرچیوه‌سینده مرحوم کویت امیری شیخ صباح الاحمد الجابر الصباح دان سونرا وظیفه‌نی تحویل آلان کویت امیری شیخ نواف الاحمد الجابر الصباح  ایله گؤروش کئچیره‌جک.

گؤروشده ایکی طرف‌لی موناسیبت‌لرین بوتون آسپئکت‌لری موذاکیره ائدیله‌جک و بولگه سل مسئله‌لر باره‌ده فیکیر موبادیله‌سی آپاریلا‌جاق.

جمهور باشقانی اردوغان، داها سونرا سیاحت ائدجگی قطرده قطر امیری شیخ تمیم بن حمد آل ثانی ایله گؤروشه‌جک.

رجب طیب اردوغان و آل تانی‌نین ایکی اؤلکه آراسینداکی موجود امکداشلیغین گله‌جک‌دکی اینکیشاف ایمکان‌لارینی قیمتلندیرجگی و بولگه سل و اولوسلار آراسی مؤوضوعلار اطرافیندا فیکیر موبادیله‌سی آپاراجاغی گؤزلنیلیر.