اردوغان:"تورکیه بوتون ایمکان‌لاری، بوتون قلبی ایله آذربایجانا دستک وئرمه‌یه داوام ائده‌جک"
بونو جمهور باشقانی رجب طیب اردوغان تورکیه بؤیوک میللت مجلیسی‌نین آچیلیشیندا چیخیشی زامانی دئییب.
"تورکیه بیر داها آذربایجانا اؤز دستکینی ایفاده ائدیر. بو بولگه ده داواملی باریشین یولو ارمنی‌لرین ایشغال ائتدیک‌لری هر قاریش آذربایجان تورپاغیندان گئری چکیلمه‌لریندن کئچیر".
بونو جمهور باشقانی رجب طیب اردوغان تورکیه بؤیوک میللت مجلیسی‌نین آچیلیشیندا چیخیشی زامانی دئییب.
"ارمنیستان حاکمیتینی هر شئیی بیر کنارا قویوب، تاکیدله تورکیه-یه بهتان آتماق جهدلری ده خلاص ائتمه‌یه‌جک. بو قول‌دور دؤولته دستک وئرنلری بشرین ویجدانی قارشی‌سیندا حساب وئره‌جک‌لری باره‌ده خبردار ائدیرم. رببیم آذربایجان-لی قارداش‌لاریمیزین یار و یاردیمچی‌سی اولسون!"، - دئیه اردوغان وورغولاییب.
جمهور باشقانی اردوغان بیلدیریب کی، آتت-ین مینسک قروپونون همصدر اؤلکه‌لری – امریکا،روسیا و فرانسا 30 ایله یاخیندیر بو موناقیشه‌یه لاقئید یاناشیب‌لار: "باش وئرن‌لرین قارشی‌سیندا اونلارین آتشکس آختاریشی ایچینده اولما‌لاری هر شئی‌دن اول قبول ائدیلمزدیر. هه، نه ایسه ایستنیلیرسه، او زامان ایشغالچی‌لار او تورپاق‌لاردان چیخما‌لی‌دیر کی، نتیجه الده ائدیلسین. آذربایجان-لی قارداش‌لاریمیز اؤز تورپاق‌لارینا قاییتماق ایستییرلر، بونون حسرتینده‌دیرلر. من بون‌لاری جناب پوتینله ده، جناب ماکرونلا دا موذاکیره ائتمیشم. اما همیشه اوتوروب‌لار، دانیشیب‌لار، لاکین نتیجه یوخ‌دور. ایندی نتیجه واختی‌دیر. ارمنی‌لرین قدیم آذربایجان تورپاغی قاراباغی ایشغالینا و سیویل اها‌لییه قارشی تؤرتدیک‌لری قتل عام لارا کار، کور و لال قالان‌لارین بو گون نوماییش ائتدیردیک‌لری داورانیش ایکی یوزلولوک‌دور".
ارمنیستانین باش ناظیری نیکولا پاشینیانین داغلیق قاراباغ‌داکی ارمنیستان-آذربایجان موناقیشه‌سینه تورکیه-نین داخیل اولماماسینی تامین ائتمک اوچون اولوسلار آراسی بیرلیگه چاغیریش ائتدیگینه دایر "بیز نه ائدجگیمیزی پاشینیان‌دان سوروشمایاجاغیق. بیز بونون قرارینی اؤزوموز وئردیک" دئیه اردوغان وورغولاییب.
اردوغان قئید ائدیب کی، تورکیه بوتون ایمکان‌لاری، بوتون قلبی ایله آذربایجانا دستک وئرمه‌یه داوام ائده‌جک.
اردوغان "قیبریس و آذربایجان تورک‌لرین‌دن بالکان‌لارا و قوزیی افریقا-یا قدر هر یئرده قارداش‌لاریمیزی دستکله‌ین مجلیسیمیز میللتیمیزله بیرلیکده بوتون دوست‌لاریمیزین اومید منبعی اولدوغونو گؤستردی" دئییب.
چیخیشیندا ترورلا موباریزه‌یه ده توخونان اردوغان عملیات‌لارین عراق سرحدیندکی ترور یووا‌لاری تامامیله بیتنه قدر داوام ائدجگینی وورغولاییب.
تورکیه اولاراق آغ دنیزینده قارشیدورما، گرگین‌لیک، حقوقسوزلوق طرفینده اولمادیق‌لارینی دئین اردوغان "حاق‌لاریمیزا ییه دوروروق. آغ دنیزین‌دکی سیاسی و ایقتیصادی پتانسیلین بؤلوشدورولمه‌سینه دایر موباحیثه لری عدالت‌لی اساس‌لارلا حل ائتمک بیزیم اساس سئچیمیمیزدیر" ایفاده‌سینی ایشلدیب.
آوروپا بیرلیگی‌نین یونانیستانین و قیبریس روم طرفی‌نین ارکؤیون‌لوگونون اسیری اولاراق تاثیرسیز، افقی اولمایان، نفوذو اولمایان بیر قورولوشا چئوریلدیگینی وورغولایا‌راق، "بؤلگه‌میزده اورتایا چیخان و آوروپا بیرلیگی-نین تشببوسو و نفوذو ایله حل اولونان بیر پروبلئم یوخ‌دور. عکسینه بیرلیگین الی نین اولدوغو هر بحران یئنی اؤلچولر قازانا‌راق بؤیودو" دئییب. "بیرینجی "دونیا محاربه‌سی ایللرینده گؤز یاش‌لاری ایچری‌سینده ترک ائتمه‌لی اولدوغوموز بو شهرده هله ده عثمانلی مقاومتی‌نین ایزلرینه راست گلمک مومکون‌دور. یعنی قدس بیزیم شهریمیزدیر، بیزدن بیر شهردیر" دئیه قئید ائدن اردوغان "مظلوم فیلیسطین خالقی‌نین حقوق‌لارینی هر پلاتفورمادا دیله گتیرمک‌دن اؤلکه‌میز و میللتیمیز آدیندان غرور دویوروق" ایفاده‌سینی ایشله‌دیب.
ایلگیلی‌لی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-ده‌کی سون وضعیتی موذاکیره ائدیب‌لر.
