تورکیه‌-ده کروناویروس‌دان اؤلن‌لرین سایی 7 مینه یاخینلاشیر

تورکیه-‌ده سون گون عرضینده کروناویروس‌دان داها 56 نفر اؤلوب.

بو باره‌ده تورکیه-‌نین ساغلیق ناظیری فخرالدین کوجا اؤز توییتر صحیفه‌سینده یازیب.

اونون سؤزلرینه گؤره، سون 24 ساعاتدا 112 مین 213 شوبهه‌لی کروناویروس تستیندن کئچیب، اونلاردان 1 671-نین جاوابی پوزیتیو چیخیب. آغیر خسته سایی 1223 نفردیر، 1117 خسته ایسه ساغالا‌راق ائوه بوراخیلیب.

قئید ائدک کی، تورکیه-‌ده عمومی‌لیکده 288 مین 126 نفر یئنی نوع کروناویروس انفکسیونونا یولوخوب، ایندییه‌دک اونلاردان 256 مین 524 نفر ساغالیب، 6 مین 951 نفر اؤلوب.