تورکیه‌-ده سون گون عرضینده کروناویروس‌دان 53 نفر اؤلوب

تورکیه-‌ده کروناویروس‌دان اؤلن‌لرین سایی می‌ین 20-دن بری ایلک دفعه 50-نی کئچیب.

بو باره‌ده ساغلیق ناظیری فخرالدین کوجا اؤزونون  توییتر صحیفه‌سینده یازیب.

اونون سؤزلرینه گؤره سون 24 ساعاتدا 200 لابراتوردا 117 مین 113 شوبهه‌لی کروناویروس تستیندن کئچیب، اونلاردان 1612-نین جاوابی پوزیتیو چیخیب، آغیر خسته سایی 1041 نفر اولوب، 1021 خسته ایسه ساغالا‌راق ائوه بوراخیلیب.

تورکیه-‌ده عمومی‌لیکده 276 مین 555 نفر یئنی نوع کروناویروس انفکسیونونا یولوخوب، ایندییه‌دک اونلاردان 249 مین 108 نفر ساغالیب، 6564 نفر اؤلوب.