مولود چاووش اوغلو: "یونانیستان اولوسلار آراسی حقوقو سایماسا، ضرر چکر"

1947 -جی ایلده قبول ائدیلن پاریس باریش سازیشینه گؤره مئیس آداسی سلاحلاندیریلا بیلمز. یونانیستان آوروپا بیرلیگی‌نین دا دستکی ایله، ساده‌جه، مئیس آداسیندا دئییل، دوغو آغ و اگه دنیزلرینده ده اولوسلار آراسی حقوقا ضد آددیم‌لار آتیر.

تورکیه خاریجی ایشلر ناظیری مولود چاووش اوغلو آنکارادا رسمی سفرده اولان الجزایر-ین خاریجی ایشلر ناظیری صبری بوقادوم ایله گؤروشوندن سونرا کئچیریلن مطبوعات کنفرانسیندا بئله دئییب.

ناظیر یونانیستانا بیر داها چاغیریش ائده‌رک بیلدیریب کی، بو اؤلکه تورکیه علیهینه آتدیغی آددیم‌لارا سون قویما‌لی‌دیر: "بیز اولوسلار آراسی حقوقا اساس‌لانان حاق‌لاریمیزی سونادک قورویاجاغیق. یونانیستانا چاغیریشیمیزی بیر داها یئنیلمک ایستییریک، باشقا‌لاری‌نین فیتواسی ایله تورکیه علیهینه داورانیش‌لارا سون وئرین، قونشولوق پرینسیپ‌لرینی پوزمایین”.

مولود چاووش اوغلو تورکیه پرزیدنتی رجب طیب اردوغانین یونانیستانین باش ناظیری کیریاکوس میتسوتاکیسه   ایکی دفعه بیرباشا دیالوق تکلیفی ائتدیگینی خاطیرلادا‌راق بیلدیریب کی، یونانیستان طرف بو تکلیفی نظره آلمیر: “رسمی یونانیستان پروبلئمین حلینه دئییل، بو حرکت‌لری ایله تورکیه-نی قیجیقلاندیرماغا چالیشیر کی، بو دا سون درجه تهلوکه‌لی‌دیر. بوندان ان چوخ ضررچکن یئنه ده یونانیستان اولا‌جاق.