تورکیه-‌ده کروناویروس‌دان ساغالان‌لارین سایی 243 مین نفری اؤتوب

تورکیه-‌ده سون 24 ساعات عرضینده داها 42 نفر یئنی نوع کروناویروس‌دان (کووید-19) دونیاسینی دییشیب.

بو باره‌ده تورکیه-‌نین ساغلیق ناظیری فخرالدین کوجا بیلدیریب.

ناظیر بیلدیریب کی، کروناویروس‌دان اؤلن‌لرین عمومی سایی 6 مین 326 نفره چاتیب.

اونون سؤزلرینه گؤره، اؤلکه‌ده 1482 یئنی یولوخما حالی قئیده آلینیب.

ناظیر علاوه ائدیب کی، اؤتن گون کروناویروس‌دان 1027 نفر ساغالیب، کروناویروس‌دان ساغالان‌لارین عمومی سایی 243 مین 839 نفر تشکیل ائدیر.