دیاربکیرده "ییلدیریم-7 لیجه نارکو-ترور" عملیات باشلاییب

ایچ ایشلر ناظیرلیگی دیاربکیرده 1495 پرسنل‌ین وظیفه ایجرا ائتدیگی "ییلدیریم-7 لیجه نارکو-ترور" آدلی عملیاتینا باشلاندیغینی بیلدیریب.

ناظیرلیگین بونونلا باغلی معلوماتیندا بیلدیریلیب کی، ترور تشکیلاتی پ.کا.کا-نی اؤلکه‌نین گوندمیندن تامامیله چیخارماق و بؤلگه‌ده حساب ائدیلن ترورچولاری ضررسیزلشدیرمک مقصدی ایله دیارباکیر والایت ژاندارما قوموتانلیغی طرفیندن "ییلدیریم-7 لیجه نارکو-ترور" عملیاتینا ایستارت وئریلدی.

عملیاتدا دیارباکیر ویلایت ژاندارما قوموتانلیغیندا وظیفه‌لی ژاندارما کماندو، ژاندارما خصوصی تعلیم‌لی کماندوسو (JÖH)، پولیس خصوصی عملیات‌لار (PÖH) و تهلوکه‌سیزلیک ایشچی‌لریندن عبارت 100 عملیات قروپون‌داکی 1495 پرسنلین وظیفه ایجرا ائدیر. اؤلکه‌دکی ترورون تامامیله اورتا‌دان قالدیریلماسی اوچون حیاتا کئچیریلن "ییلدیریم 1-2-3-4-5-6" عملیات‌لاری چرچیوه‌سینده بو گونه قدر 31 ترورچو ضررسیزلشدیریلدی، 48 ماغارا، سیغینا‌جاق و انبار محو ائدیلدی، چوخ سایدا سلاح-مهمات، یئمک و س. ماتریال‌لار اله کئچیریلدی.

"ییلدیریم" عملیات‌لاری‌ خالقین دستکی ایله اعتبارلی و قرارلی شکیلده اوغورلا داوام ائتدیگی ایفاده ائدیلدیب.

دیگر طرف‌دن، ایچ ایشلر ناظیرلیگی انترپول خطی ایله آختاریلان ایکی پ.کا.کا ترورچوسونون شیرناک-دا تلقین‌لر نتیجه‌سینده تسلیم اولدوق‌لاری بیلدیریلیب.