تورکیه-‌نین قیزیل آی جمعیتی لوبنان-داکی یاردیم فعالیت‌لرینی داوام ائتدیریر

4 آوقوست 2020-جی ایل تاریخینده باش وئرن پارتلاییش‌دان سونرا لوبنانا گئدن تورکیه-‌نین قیزیل آی جمعیتی بیروت لیمانینا یاخین بؤلگه‌لر باشدا اولماقلا شهردکی یاردیم فعالیت‌لرینی داوام ائتدیریر.

تورکیه-‌نین قیزیل آی جمعیتی باش کاتیبی‌نین مشاویری یاسر فتن گوجلو پارتلاییشین ایلک آندان اعتباراً آختاریش و قورتارما ایشلری اوچون لوبنانا گئدن فوق العاده حال‌لار ایداره‌سی رهبرلیگی (آفاد) و ساغلیق ناظیرلیگی قروپ‌لاری ایله بؤلگه‌دکی اینسانی یاردیم فعالیت‌لرینه باشلادیق‌لارینی سؤیله‌ییب.

تورکیه-‌دن حربی یوک طیاره‌سیله گؤندردیک‌لری یاردیم‌لارلا یاناشی اورا‌دان تامین ائتدیک‌لری ارزاق‌لارلا دا احتیاجی اولان لبونان-لی لارا کؤمک‌لیک گؤسترمه‌یه داوام ائتدیک‌لرینی وورغولایان یاسرفتن بو چتین دؤورده یالنیز بوراخمادیق‌لاری لوبنان اوچون یاردیم‌لارینی داوام ائتدیره‌جک‌لرینی قئید ائدیب. قئید ائدک کی، آوقوستون 4-ده بیروت لیمانیندا پارتلاییجی ماده‌نین اولدوغو 12 نؤمره‌لی انباردا یانغین باش وئریب و سونرا بوتون شهری سارسی‌دان چوخ گوجلو بیر پارتلاییش اولوب. پارتلاییش نتیجه‌سینده 179 نفرین اؤلدوگو، تخمینن 6 مین آدامین یارالاندیغی و اونلارلا اینسانین ایتکین دوشدوگو بیلدیریلیب.