چاووش اوغلو تورکیه-نین موضعینی ایضاح ائدن مکتوب عنوانلاییب
چاووش اوغلو یونانیستانین طلبیله بو گون (14 آوقوست) نؤوبه دن کنار کئچیریله‌جک آوروپا بیرلیگی خاریجی علاقه‌لر شوراسی ییغینجاغیندان اول عنوانلادیغی مکتوبدا دئییب:
خاریجی ایشلر ناظیری مولود چاووش اوغلو آوروپا بیرلیگی خاریجی ایشلر ناظیرلری و آوروپا بیرلیگی-نین خاریجی ایشلر و تهلوکه‌سیزلیک سیاستی عذره عالی نماینده‌سی جوزپ بورل ایله آغ دنیزی‌نین دوغوسونداکی موجود وضعیتی و تورکیه-نین موضعینی ایضاح ائدن مکتوب‌لار عنوانلاییب.
چاووش اوغلو یونانیستانین طلبیله بو گون (14 آوقوست) نؤوبه دن کنار کئچیریله‌جک آوروپا بیرلیگی خاریجی علاقه‌لر شوراسی ییغینجاغیندان اول عنوانلادیغی مکتوبدا دئییب:
"تورکیه و قوزیی قیبریس تورک جمهوریتی‌نین بوتون دیالوق و امکداش‌لیق چاغیریش‌لارینا باخمایا‌راق، یونانیستان و گونئی قیبریس روم رهبرلیگی ایندییه قدرکی تک طرف‌لی آددیم‌لارلا تورکیه-نی کناردا قویماق هدفیله اتفاق یاراتدیق‌لار و تشببوس‌لر قالدیردی‌لار. یونانیستانین تورکیه ایله دانیشیق‌لاری داوام ائتدیررکن میصر ایله (6 آوقوست) ایمضالادیغی تورکیه-نین و لیبی-نین دنیزدیبی ساحه اراضی‌سینی پوزان قانون‌سوز دنیز صلاحیت ساحه سینی محدودلاشدیرما راضیلاشماسی یونانیستانین تورکیه ایله آچیق و صمیمی دیالوق و امکداش‌لیق ایستمه‌مه‌سینی بیر داها اورتایا قویدو. تورکیه-آوروپا بیرلیگی علاقه‌لرینه یونانیستان و روم‌لارین بو شیلتاق‌لیق‌لاری داها چوخ ضرر وئره بیلر. آوروپا بیرلیگینه عضو اؤلکه‌لری تورکیه-یه قارشی عدالت‌سیز بیر رفتارا قارشی اولماغا چاغیریریق.
ناظیر چاووش اوغلو عینی زاماندا بولقاریستان، استونیا، فینلاندیا، ایتالیا، لیتوانی، ماجاریستان و رومینیا و آوروپا بیرلیگی‌نین عالی نماینده‌سی بورل دا داخیل اولماقلا بعضی آوروپا بیرلیگی خاریجی ایشلر ناظیرلری ایله بو چرچیوه‌ده تلفونلا دانیشیب. بنزر مکتوب‌لارین آیریجا بیرلشمیش میللت‌لر تشکیلاتی‌نین (بمت) باش کاتیبی آنتونیو گوترشه، بمت تهلوکه‌سیزلیک شوراسی‌نین دایمی عضو‌لری‌نین خاریجی ایشلر ناظیرلرینه و ناتو باش کاتیبی ینس استولتنبرگه ده عنوانلاندیغی بیلدیریلیب.
