تورکیه-ده کروناویروسلا باغلی وضعیت گرگینلشیب، یولوخما سایی آرتیب
بو بارهده ساغلیق ناظیری فخرالدین قوجا اؤزونون توییتر صحیفهسینده یازیب.
تورکیه-ده یئنی نوع کروناویروس (کووید-19) انفکسیونوندان داها 18 نفر اؤلوب.
بو بارهده ساغلیق ناظیری فخرالدین قوجا اؤزونون توییتر صحیفهسینده یازیب.
ناظیر بیلدیریب کی، سون 24 ساعاتدا 46 مین 249 شوبههلی کروناویروس تستیندن کئچیب، اونلاردان 1083-نون جاوابی پوزیتیو چیخیب، آغیر خسته سایی 583 نفر اولوب، 994 خسته ایسه ساغالیب.
فخرالدین قوجا بایرام گونلرینده کووید-19-دان قورونما قایدالارینا عمل اولونمادیغی اوچون خستهلیگه یولوخما ساییندا جدی آرتیم یارانماسیندان ناراحاتلیغینی ایفاده ائدیب.
قئید ائدک کی، تورکیه-ده ایندییهدک عمومیلیکده 234 مین 934 نفر یئنی نوع کروناویروس انفکسیونونا یولوخوب، اونلاردان 5765 نفر اؤلوب.
"یئنی خسته سایینداکی آرتیم جدیدیر. ایکی گون آراسینداکی فرق یاخین دؤورده ایلک دفعه بو قدر آشکار حیس اولونور. بایرام و استراحت زامانی توپلاشما حاللارینین آغیر نتیجهلره یول آچماسینا ایمکان وئرمه مه لیییک. هر بیریمیز بیر-بیریمیزه قارشی مسئولیت داشیمالیییق. تدبیرده بیرلیگه احتیاجیمیز وار"، - دئیه ساغلیق ناظیری فخرالدین قوجا توییتر حسابینداکی پایلاشیمیندا بیلدیریب.