فخرالدین آلتون:" تورکیه-نین ان بؤیوک گوجو حقیقتدیر"
بونو جمهور باشقانلیغینین ایجتیمایتله علاقهلر ایدارهسینین رهبری فخرالدین آلتون توییتر صحیفهسینده یازیب.
![فخرالدین آلتون:" تورکیه-نین ان بؤیوک گوجو حقیقتدیر"](http://cdn.trt.net.tr/images/xlarge/rectangle/1fc0/bd43/88fa/5f192a3d7ce68.jpg?time=1718828691)
"بو جوغرافیادا تورکیه-یه رغمن الده ائدیلهجک هئچ بیر قازانج یوخدور"
بونو جمهور باشقانلیغینین ایجتیمایتله علاقهلر ایدارهسینین رهبری فخرالدین آلتون توییتر صحیفهسینده یازیب.
فخرالدین آلتون شرحینده لیبی-دن سوریه-یه، عراق-دان آذربایجانا و آغ دنیزینه قدر بؤلگهنی علاقه دار ائدن بوتون مؤوضوع لارین ژوئیه نین 22-ده کئچیریلن میللی تهلوکهسیزلیک شوراسینین ایجلاسیندا موذاکیره اولوندوغونو و میللی بقا اوچون تهلوکهسیزلیک سیاستلریندکی تعویض سیز دوروشون بیر داها اورتایا قویولدوغونو بیلدیریب.
تورکیه جمهوریتی دؤولتینین تهلوکه سیزلیگینین سادهجه اؤز سرحدلریندن عبارت اولمادیغینی وورغولایان آلتون تورکیه-نین بالکانلاردان اورتا آسیایا، کؤرفزدن جبل الطارقه قدر چوخ گئنیش بیر جوغرافیادان باشلایاراق بوتون کؤنول جوغرافیاسیندا دینجلیگین حاکم اولماسیندا قرارلی اولدوغونو بیلدیریب.
فخرالدین آلتون تورکیه-نین دونیانین موختلیف بؤلگهلرینده میللتین اگمنلیک حقوقلاری علیهینه قورولان طرفداشلیقلارین ایدراکیندا اولدوغونا و بو ظلم نیظامینا سون قویاجاق آددیملار آتماقدان ایمتینا ائتمهیهجگینه دقت چکهرک دئییب:
"ایللردیر قرارلی شکیلده داوام ائتدیردیگیمیز، اینسان مرکزلی تهلوکهسیزلیک و خاریجی سیاستیمیز قارشیلیغی نه اولارسا اولسون داوام ائدهجک، گئج یا دا تئز بوتون طرفلر تورکیه-نین گئتدیگی ایستیقامته اوز توتاجاقدیر. تورکیه-نین ان بؤیوک گوجو عدالتدن و حقیقتدن طرف اولماسیدیر. هر کس بو حقیقتی یاخشی بیلمهلیدیر کی، تورکیه آذربایجان-داکی قارداشلارینا ائدیلن هر جور حدسیز هوجومو سوسدورماقدان ایمتینا ائتمهیهجکدیر. قیبریس-دا دا آدانین دینجلیک و تهلوکهسیزلیگینه خلل گتیرمهیه ایستیقامتلی هر جهدی پوچا چیخاراجاق".
فخرالدین آلتون تورکیه جمهوریتینین پ.کا.کا/پ.ی.د و داعش ترور تشکیلاتلارینی مغلوب ائتدیگی کیمی لیبی-ده ده قانونی حکومتین قارشیسیندا غیری -قانونی جبهه نی ده یئرله-یکسان ائدهجک گوج و قدرته صاحب اولدوغونو وورغولاییب:
"بؤلگهمیزدن آغ دنیزینین ان اوج نقطهلرینه قدر تورکیه-یه رغمن هئچ بیر لاییحه و تشببوس اوغورلو اولا بیلمز. جمهور باشقانیمیز رجب طیب اردوغانین باشچیلیغیندا تورکیه جمهوریتی دؤولتی تاریخدن گؤتوردوگو سارسیلماز گوج و اینام کؤنوللری قازانماغا، بؤلگهمیزده قورولموش شر اوجاقلارینی بو تورپاقلاردان چیخارماغا سون درجه قرارلی دیر".