تورکیه بویوک میللت مجلیسی اورتاق بیانات یایا‌راق ارمنیستانی قینادی
بیاناتدا یازیلیر: "تورکیه بؤیوک میللت مجلیسی اولا‌راق ارمنیستان سلاحلی قوه‌لری‌نین 12 ژوئیه دن باشلایا‌راق آذربایجانین توووز بؤلگه‌سینه هوجوم‌لارینی کسکین شکیلده قیناییریق.
عدالت و اینکیشاف پارتیسی (آک پارتی)، جمهوریت خالق پارتیسی (ج-ح-پ)، میللیتچی حرکت پارتیسی (م.ح.پ)، ایگی پارتی و تورکیه بؤیوک میللت مجلیسی‌نین قروپ‌لاری اورتاق بیانات یایا‌راق ارمنیستانین آذربایجانا هوجومونو قینادی.
تورکیه بؤیوک میللت مجلیسی‌نین صدر معاوینی ثریا سعدی بیلگیچ ایجلاسدا ارمنیستانین آذربایجانا قارشی هوجوم‌لاری ایله باغلی عدالت و اینکیشاف پارتیسی، جمهوریت خالق پارتیسی، میللیتچی حرکت پارتیسی، ایگی پارتی صدر و وکیل‌لری‌نین ایمضاسینی داشییان اورتاق بیاناتی اوخویوب.
بیاناتدا یازیلیر: "تورکیه بؤیوک میللت مجلیسی اولا‌راق ارمنیستان سلاحلی قوه‌لری‌نین 12 ژوئیه دن باشلایا‌راق آذربایجانین توووز بؤلگه‌سینه هوجوم‌لارینی کسکین شکیلده قیناییریق.
ارمنیستان یانلیش یولدا‌دیر. آذربایجان تورپاغی یوخاری قاراباغ و اطرافینداکی بؤلگه‌لری ایللردن بری ایشغال آلتیندا ساخلایان ارمنیستانین بیلینن تجاووزکار داورانیشینا علاوه اولان بو هوجوم‌لار گونئی قافقازدا قالیجی باریش و ثابیتلیگین اؤنونده ان بؤیوک مانعه‌دیر.
ارمنیستان-ین حاق و حقوقو هئچه سایان بو حرکت‌لری قارشی‌سیندا اولوسلار آراسی جمعیتی لازیم اولان رئاکسیانی گؤسترمه‌یه چاغیریریق. یوخاری قاراباغ اختلافی‌نین آذربایجانین اولوسلار آراسی تانینمیش سرحدلری و تورپاق بوتؤو‌لوگو چرچیوه‌سینده باریشچی یول‌لارلا حل ائدیلمه‌سینه دستکیمیزی تکرار ائدیریک.
ارمنیستان بیرلشمیش میللت‌لر تشکیلاتی تهلوکه‌سیزلیک شوراسی و آوروپا تهلوکه‌سیزلیک و امکداش‌لیق تشکیلاتی – آتت-ین قرارلارینا عمل ائتمه لی و ایشغال ائتدیگی آذربایجان تورپاقلاریندان چکیلمه‌لی‌دیر.
"ایکی دؤولت، تک میللت" آنلاییشییلا دایم دینج‌لیک و ثابیتلیگین ساوونجوسو اولان تورکیه بوندان سونرا دا بوتون ایمکانلارییلا تورپاق بوتؤو‌لوگونو یئنی‌دن برپا ائتمه سعی‌لرینده آذربایجانین یانیندا اولماغا داوام ائده‌جک.
آذربایجان-لی شهیدلریمیز اوچون دوست و قارداش آذربایجان خالقی و حکومتینه باش ساغلیق‌لاریمیزی چاتدیریر، یارا‌لی‌لارا شفا دیلییریک."
تورکیه بؤیوک میللت مجلیسی اورتاق بیاناتی اوخوندوقدان سونرا مجلسین سالونوندا اولان میللت وکیل‌لری آلقیش‌لارلا آذربایجانا دستکینی ایفاده ائدیب.
ایلگیلی‌لی خبرلر
کروز گمیسی موغلانین بودروم شهرینه گلیب
باهاما آدا‌لاری بایراق‌لی "استار لنجد" آدلی کروز گمیسی موغلانین بودروم شهرینه گلیب.
