جمهور باشقانی اردوغان:"15 ژوئیه سیرا‌دان بیر چئوریلیش جهدی دئییلدی"
15 ژوئیه بو تورپاق‌لاردا یاشادیغیمیز، عصیرلر بویو وئردیگیمیز وارلیق- یوخلوق موجادیله زنجیری‌نین ان سون حالقاسی، آرخاسیندا چوخ بؤیوک حساب‌لارین اولدوغو و رئاللاشدیغیندا تاریخی بیر قیریلما نقطه‌سی‌دیر.
فتح الله چی ترور تشکیلاتی‌نین (فتو) چئوریلیش جهدیندن 4 ایل کئچیر.
خاین چئوریلیشین باسدیریلماسی‌نین ایلدؤنومونو تورکیه 4 ایلدیر "دموکراسی و میللی بیرلیک گونو" اولا‌راق قئید ائدیر.
جمهور باشقانی رجب طیب اردوغان 15 ژوئیه پروقرامینا جمهور باشقانلیغی قارشی‌سیندا اوجالدیلان 15 ژوئیه عابده‌سینه اکلیل بوراخا‌راق باشلادی.
"تک میللت، تک بایراق، تک وطن و تک دؤولت" سیمگه له ین 4 فیقورون ایشلندیگی 15 ژوئیه عابده‌سینه پولیس، عسگر و غازی لر ایله اکلیل قویان جمهور باشقانی اردوغان داها سونرا تورکیه بؤیوک میللت مجلیسینده تشکیل ائدیلن 15 ژوئیه شهیدلرینی آنما پروقرامیندا ایشتیراک ائدیب. اردوغان بورادا ائتدیگی چیخیشیندا 15 ژوئیه ده یاشانان بو تورپاق‌لاردا عصیرلر بویو وئریلن وارلیق-یوخلوق موجادیله‌سی زنجیری‌نین ان سون حالقاسی اولدوغونو وورغولایا‌راق دئییب: "15 ژوئیه گئجه‌سی حکومته هوجوم ائدن فتو-چو خاین‌لرین تورکیه بؤیوک میللت مجلیسینی خصوصیله هدف آلماسی تصادفی سئچیم دئییلدی.
(فتوچو کودتاچیلارین) اگر گوجلری چاتسایدی، بو مجلیسی داغیدیب-ییخماقدان چکینمه‌یه‌جک‌لریندن امین اولدوق. اگر گوجلری چاتسایدی، اؤلکه‌نین پرزیدنتی و باش ناظیری باشدا اولماقلا، سئچیلمیش بوتون ایدارچی‌لری قتل ائتمک‌دن چکینمه‌یه‌جک‌لریندن امین اولدوق.
15 ژوئیه اصلا سیرا‌دان بیر چئوریلیش جهدی دئییلدی.
15 ژوئیه بو تورپاق‌لاردا یاشادیغیمیز، عصیرلر بویو وئردیگیمیز وارلیق- یوخلوق موجادیله زنجیری‌نین ان سون حالقاسی، آرخاسیندا چوخ بؤیوک حساب‌لارین اولدوغو و رئاللاشدیغیندا تاریخی بیر قیریلما نقطه‌سی‌دیر.
اؤز منفعت‌لری اوچون تورکیه-نی آتشه آتماغا حاضیر اولان خاین‌لره ایناد اولا‌راق، 15 ژوئیه گئجه‌سی اولدوغو کیمی، میللتیمیزله چیگین-چیگینه وئریب وطنیمیز، دموکراسی میز و موستقیللیگیمیزی مودافعه‌یه داوام ائدجییک.
مجلسین دامی آلتیندا وظیفه‌سینی یئرینه یئتیرن هر کسی بؤیوک و گوجلو تورکیه ادعاسینا دستک اولماغا چاغیریرام.
گلین، شهیدلریمیزین امانتینه هامیمیز بیرلیکده صاحب چیخاق. گلین، 2023 هدف‌لریمیزه دوغرو بیرلیکده گئدک. گلین، تورکیه-نی ایشیق‌لی صاباح‌لارا بیرلیکده آپا‌راق."
تورکیه بؤیوک میللت مجلیسینده تشکیل ائدیلن 15 ژوئیه شهیدلرینی آنما پروقرامیندا پارلامئنتین صدری مصطفی شنتوپ دا ایشتیراک ائدیب و چیخیشیندا بون‌لاری سؤیله‌ییب: "تورکیه-یه قارشی ان قانلی و خاین حرکت‌لردن بیری اولان، میللتین محکم‌لیگی و اؤلکه باشچی‌سی رجب طیب اردوغانین دیانت‌لی لیدرلیگی ایله مغلوب ائدیلن 15 ژوئیه چئوریلیش و ایشغال جهدی‌نین 4-جو ایلینده خاین شبکه‌نین هدفه آلدیغی "غازی مجلیسی"نده بیر آرایا گلدیک. بو آلچاق پلانین مغلوب ائدیلمه‌سی اوچون جان‌لارینی فدا ائدن شهیدلره رحمت دیلییر، او گئجه یارا‌لانان غازی لره جانساغلیغی و فایدا‌لی اوزون عؤمور آرزولاییرام.
ایقتیصادیاتدا، مودافعه صنایع سینده، موستقیل انرژییه چاتما سعی‌لرینده، تحصیلده، ساغلیق دا، خاریجی سیاستده و بیر چوخ ساحه‌ده تورکیه-نین گئت-گئده گوجلنمه‌سی 15 ژوئیه چئوریلیش جهدینی یارا‌دان اصل سبب‌لر ایدی. 27 می دن 15 ژوئیه قدر بوتون کودتاچیلارین مقصدی و اساس حرکاتی تورکیه-نین بیر گوج اولا‌راق اؤنه چیخماسی، موستقیل سیاست یوروتمه‌سی، قلوبال پایلاشمانین پارچاسی دئییل، باش رول آکتیورلاریندان بیری اولماسینا مانع تؤرتمک ایدی."
ایلگیلی‌لی خبرلر
آوریل آییندا ایستانبول هاوا لیمانینا گلن یولچولارین سایی 20 میلیونو اوتوب
بو باره‌ده تورکیه-نین نقلیات و آلت یاپی ناظیرلیگیندن معلومات وئریلیب.
