ماکرونا بیر تورکیه تنقیدی داها

اینگیلتره-‌نین د ایندپندنت قزئتینده "فرانسانین لیبیا-نین دوغوسونداکی غیری-قانونی قوه‌لرین باشچی‌سی خلیفه خفتره دستکی، نهایت پیس نتیجه‌لرینی گؤسترمه‌یه باشلاییب” باش‌لیقلی مقاله درج ائدیلیب.

بورزو داراگاهی‌نین قلمه آلدیغی مقاله‌ده، فرانسا-نین ایللر بویو دستکله‌دیگی و اینکیشافیندا جدی رول اوینادیغی خفترین لیبیا-نین باتی سیندا بؤیوک مغلوبیتیندن سونرا کوله یین ترسینه اسدیگی بیلدیریلیب.

مقاله‌ده بیرلشمیش عرب امیرلیک‌لرینه آرخا‌لانا‌راق خفتره بویوک یاتیریم یاتیران فرانسا-نین اونون مغلوبیتیندن سونرا تک قالدیغی، سیاسی و دیپلوماتیک سرمایه‌لریندن بهره لنمه‌دیگی وورغولانیب.

فرانسا پرزیدنتی امانوئل ماکرونون تورکیه-‌یه قارشی اساس‌سیز اتهام‌لارینا توخونولان مقاله‌ده، "فرانسا رسمی‌لری لیبیا سیاستینی مودافعه ائتمک اوچون تورکیه-نی گوناهلان‌دیرا‌راق گولونج وضعیته دوشورلر" ایفاده‌لری عکس اولونوب.

مقاله‌ده، لیبیا مؤوضوسوندا متخصص بیر دانیشمانین، "فرانسا خفتری او قدر اوزون مودت‌دیر دستکلییر کی، ایندی نئجه گئری آددیم آتاجاغینی بیلمیر. خطالارینی گؤرمک‌دنسه، بوتون پروبلئم‌لره گؤره تورکیه-نی گوناهلان‌دیرماق داها آسان گلیر" ایفاده‌لری ده عکس اولونوب.