تورکیه-‌ده کروناویروس‌دان ساغالان‌لارین سایی 140 مینه یاخینلاشیر

تورکیه-‌ده سون 24 ساعات عرضینده داها 23 نفر یئنی نوع کروناویروس‌دان (کووید-19) دونیاسینی دییشیب.

بو باره‌ده تورکیه-‌نین ساغلیق ناظیری فخرالدین قوجا اؤز توییتر صحیفه‌سینده بیلدیریب.

ناظیر بیلدیریب کی، کروناویروس‌دان اؤلن‌لرین عمومی سایی 4 مین 692 نفره چاتیب.

اونون سؤزلرینه گؤره، اؤلکه‌ده 914 یئنی یولوخما حالی قئیده آلینیب، یولوخان‌لارین عومی سایی 170 مین 132 نفره چاتیب.

ناظیر علاوه ائدیب کی، اؤلکه‌ده کروناویروس‌دان ساغالان‌لارین عمومی سایی سون گونده 2 مین 647 نفر اولماقلا 137 مین 969 نفر تشکیل ائدیر.

سون گون عرضینده کروناویروسلا باغلی 35 مین 335 تست آپاریلیب.