تورکیه-‌ده داها 93 نفر کروناویروسون قربانی اولدو

تورکیه-‌ده سون 24 ساعات عرضینده داها 93 نفر یئنی نوع کروناویروس‌دان (کووید-19) دونیاسینی دییشیب.

بو باره‌ده اؤز تویتر صحیفه‌سینده تورکیه-‌نین ساغلیق ناظیری فخرالدین قوجا بیلدیریب.

ناظیر بیلدیریب کی، کروناویروس‌دان اؤلن‌لرین عمومی سایی 3 مین 174 نفره چاتیب.

اونون سؤزلرینه گؤره، اؤلکه‌ده 2 مین 615 یئنی یولوخما حالی قئیده آلینیب، یولوخان‌لارین عمومی سایی 120 مین 204 نفره چاتیب.

ناظیر علاوه ائدیب کی، ساغالان‌لارین عمومی سایی 48 مین 886 نفر تشکیل ائدیر.