تورکیه-ده داها 89 نفر کروناویروس‌دان اؤلوب

تورکیه-‌ده یئنی نوع کروناویروس‌دان (کووید-19) بو گون داها 89 نفر اؤلوب.

بونو ساغلیق ناظیری فخرالدین قوجا تویتر صحیفه‌سینده پایلاشیب. ناظیر قئید ائدیب کی، سون 24 ساعاتدا 43498 شوبهه‌لی کروناویروس تست‌یندن کئچیب، اونلاردان 2936-نین جاوابی پوزیتیو چیخیب.

تورکیه-‌ده یئنی نوع کروناویروس‌دان ایندیدک 3081 نفر اؤلوب، 117589 نفر بو اینفکسیونا یولوخوب، 44022 نفری ایسه معالیجه اولونوب. بو گون 5231 خسته ائوه بوراخیلیب.