تورکیه-‌ده کروناویروس‌دان داها 117 نفر اؤلوب

تورکیه-‌ده سون 24 ساعات عرضینده داها 117 نفر یئنی نوع کروناویروس‌دان (کووید-19) دونیاسینی دییشیب.

بو باره‌ده اؤز تویتر صحیفه‌سینده تورکیه-‌نین ساغلیق ناظیری فخرالدین قوجا بیلدیریب.

ناظیر بیلدیریب کی، کروناویروس‌دان اؤلن‌لرین عمومی سایی 2376 نفره چاتیب.

اؤلکه‌ده 3083 یئنی یولوخما حالی قئیده آلینیب، یولوخان‌لارین عمومی سایی 98 مین 674 نفره چاتیب.

اونون سؤزلرینه گؤره، اؤتن گون عرضینده 1559 نفر ساغالیب، ساغالان‌لارین عمومی سایی 16 مین 477 نفر تشکیل ائدیر.