اردوغان و پوتین لیبیا-داکی طرف‌لره آتشکس اوچون چاغیریش ائتدی‌لر

جمهور باشقانی رجب طیب اردوغان و روسیا پرزیدنتی ولادیمیر پوتین لیبیا-داکی بوتون طرف‌لری 12 ژانویه گونو ساعات 00:00-دان اعتبارا دؤیوش‌لری دایاندیرماغا چاغیریب‌لار.

پرزیدنت اردوغان و روسیا پرزیدنتی پوتین ایستانبول-دا وئردیک‌لری بیرگه آچیقلامادا ژانویه نین 9-دا ایستانبول-دا آچیلان "تورک-آخیمی" طبیعی گاز بورو کمری، بولگه سل مسئله‌لرین حلینه تحفه وئرمکله یاناشی، خالق‌لارین عمومی ماراق‌لارینا خیدمت ائتدیگینی بیلدیریب‌لر.

امریکا و ایران آراسینداکی گرگینلیگین آرتماسیندان و عراق-داکی منفی عکس-صدالاریندان‌ درین ناراحاتلیغین ایفاده ائدیلدیگی آچیقلامادا سپاه-ین قودس قوه‌لری عذره قوموتانی قاسیم سلیمانینی و برابرینده کی لری ژانویه نین 3-ده باغداد-دا هدف آلان امریکانین هاوا عملیاتی‌نین بؤلگه‌دکی تهلوکه‌سیزلیک و ثابت‌لی منفی تأثیر ائتدیگی وورغولانیب.

بیرگه آچیقلامانین سوریه باش‌لیق‌لی حیسه‌سینده ایسه اؤلکه‌نین اگمنلیگی، موستقیل‌لیگی، سیاسی بیرلیگی و اراضی بوتؤو‌لوگونون قورونماسینا اولان صادق‌لیک تصدیقلنیب.

ایکی لیدر لیبیا-داکی پروسه ایله علاقه‌دار ایسه بو چاغیریشی ائدیب:

"موجود کریتیک شرایطده و بمت تهلوکه‌سیزلیک شوراسی‌نین موافیق قطعنامه لری ایله قارشییا قویولان مقصدلر فونوندا تشببوس گؤسترمه‌یه قرار وئردیک. بو چرچیوه‌ده لیبیا-داکی بوتون طرف‌لری توققوشما‌لاری 12 ژانویه گونو ساعات 00:00 اعتباری ایله دایاندیرماغا، ساحه‌ده ثابیتلیگین تامین اولونماسی و طرابلس ایله دیگر شهرلرده گونده‌لیک حیاتین آدی آخارینا دوشمه‌سی اوچون واجیب اولان تدبیرلرله دستک‌لنن داوام ائتدیریله بیله‌جک آتشکس اعلان ائتمه‌یه، لیبیا خالقی‌نین آجی‌لارینا سون قویماق و اؤلکه‌یه باریش و ریفاهی یئنی‌دن گتیرمک اوچون درحال موذاکیره ماساسی‌نین اطرافیندا بیر آرایا گلمه‌یه چاغیریریق. لیبیا-لیلارین استثنا‌سیز بوتون وطنداش‌لاری‌نین ماراق‌لارینی نظرده توتان میللی سویه‌ده بیر دیالوق چرچیوه‌سینده، وطن‌لری‌نین گلجیینه موستقیل شکیلده قرار وئره بیله‌جک‌لرینه دایر اینانجیمیز تام‌دیر".