چاووش اوغلو:" سلیمانینین اؤلدورولمهسی بؤلگهنین تهلوکهسیزلیگینه جدی تهدید اولدو
خاریجی ایشلر ناظیری مولود چاووش اوغلو قودس قوهلری قوموتانی ایران-لی ژنرال سلیمانینین امریکانین هوجوملاری نتیجهسینده اؤلدورولمهسینین بؤلگهنین تهلوکهسیزلیگینه جدی تهدید اولدوغون وورغولاییب.
خاریجی ایشلر ناظیری مولود چاووش اوغلو قودس قوهلری قوموتانی ایران-لی ژنرال سلیمانینین امریکانین هوجوملاری نتیجهسینده اؤلدورولمهسینین بؤلگهنین تهلوکهسیزلیگینه جدی تهدید اولدوغون وورغولاییب.
چاووش اوغلو 2019-جو ایله دایر خاریجی سیاستی قیمتلندیردیگی مطبوعات کنفرانسیندا دئییب:
"سلیمانینین اؤلدورولمهسی بؤلگهنین باریش و ثابتلیگی اوچون جدی تهدید تشکیل ائتدی. بو پروبلئمین حلی یاخود دا گرگینلیگین آزالدیلماسی اوچون یاخین گونلرده یئنه دیگر اؤلکهلرله بیرلیکده جهدلریمیزی داوام ائتدیرجییک. پرزیدنت اردوغان فرانسا، ایران، عراق پرزیدنت لری و قطر امیری ایله تلفونلا دانیشدی، اینگیلترهنین و آلمانیانین باش ناظیرلری کیمی دیگر بیر سیرا اؤلکهلرین رهبرلریله ده یاخین گونلرده گؤروشلر کئچیرهجک."
چاووش اوغلو اؤزونون ده ایرانین خاریجی ایشلر ناظیری جاواد ظریف، روسیانین خاریجی ایشلر ناظیری سرگئی لاوروو، امریکانین خاریجی ایشلر ناظیری مایک پمپئو، اینگیلتره، قطر، پاکیستانین خاریجی ایشلر ناظیرلری و بمت-نین باش کاتیبی آنتونیو گوترش ایله تلفونلا دانیشدیغینی بیلدیریب.
تورکیه-نین باریش اوچون آتیلاجاق بوتون آدیملاردا هر زامان لیدرلیک رولونو اوزرینه گؤتوردوگونو وورغولایان چاووش اوغلو " بو مسئلهنین حلی یاخود دا گرگینلیگین آزالدیلماسی اوچون یاخین گونلرده یئنه دیگر اؤلکهلرله جهدلریمیزی داوام ائتدیرجییک. معلوم اولدوغو کیمی 8 ژانویه ده روسیا پرزیدنتی ولادیمیر پوتین ایستانبولا گلهجک. پوتین ایله بو موضوع لاری جناب پرزیدنتیمیز شخصاً موذاکیرهیه چیخاراجاق. خصوصیله بورادا هامیمیزین ناراحاتلیغی عراق-ین دیگر اؤلکهلر اوچون بیر توققوشما ساحهسینه چئوریلمهمهسیدیر. بو، عراق و بؤلگهمیز اوچون چوخ جدی ریسکدیر. عراق ایله گؤروشلریمیز داوام ائدیر. موناسیبتیله بو زوراکیلیق حالینین آزالدیلماسی اوچون بیز اوزریمیزه دوشنی یئرینه یئتیرمکده داوام ائدجییک" ایفادهلرینی ایشلدیب.