تورکیه هوللاندیا-یا رئاکسیا گؤستردی

تورکیه فتح الله چی ترور تشکیلاتی (فتو) منسوب‌لارینا موقتی یاشاماق اوچون ایجازه وئردیگینه گؤره هوللاندیایا رئاکسیا گؤستردی.

خاریجی ایشلر ناظیرلیگی‌نین سؤزچوسو هامی آکسوی هوللاندیا کؤچ و وطنداش‌لیق خیدمت‌لری ایداره‌سی طرفیندن فتو ترور تشکیلاتی ایله علاقه‌ده اولان شخص‌لره موقتی یاشاماق اوچون ایجازه وئریلمه‌سی باره‌دکی سوالا جاوابن دئییب:

"هوللاندیا کؤچ و وطنداش‌لیق خیدمت‌لری ایداره‌سی فتو ترور تشکیلاتی ایله علاقه‌ده اولان شخص‌لرین معلومات‌لاری‌نین تورکیه رسمی‌لری‌نین الینه کئچمیش اولا بیله جگینی سبب کیمی گؤستریب. همین چرچیوه‌ده تشکیلات منسوب‌لاری‌نین سیغینا‌جاق مراجعت‌لرینه مثبت جاواب وئریب و آیریجا اونلارا اؤلکه‌ده موقتی یاشاماق اوچون ایجازه ده وئریلیب. هوللاندیانین بو آددیمی قبول ائدیله بیلمز".

هامی آکسوی 1951 تاریخ‌لی "قاچقین‌لارین ایستاتوسونا دایر ژنو موقاویله‌سی" ایله ترور گوناهلاریندان‌ آختاریلان شخص‌لرین قاچقین ایستاتوسون‌دان ایستیفاده ائده بیلمه‌یه‌جک‌لری‌نین نظرده توتولدوغونو بیلدیریب.

تورکیه-‌نین 251 گوناهسیز وطنداشی‌نین شهید ائدیلدیگی و مین‌لرله اینسانین ایسه یارالاندیغی 15 ژوئیه خاین چئوریلیش تشببوسونون آرخاسین‌داکی فتو منسوب‌لاری‌نین تحویل وئریلمه‌سی باره‌دکی گؤزلنتی و جهدلرین داوام ائدجگینی وورغولایان هامی آکسوی بیلدیریب کی، همین ترور تشکیلاتی‌نین ساده‌جه تورکیه اوچون دئییل، اولدوغو هر اؤلکه اوچون تهدید تشکیل ائتدیگی اونودولماما‌لی و ترورلا موباریزه‌ده امکداشلیغین بؤیوک اهمیت داشیدیغینی هر کس یاخشی باشا دوشمه‌لی‌دیر.