حلوصی آکار: اف-35 ین اورتاغیییق، موشتریسی دئییلیک
تورکیه میللی ساوونما ناظیری حلوصی آکار، تورکیهنین اف-35 ساواش اوچاقلارینین موشتریسی دئییل اورتاغی اولدوغونو سؤیلهدی
تورکیه میللی ساوونما ناظیری حلوصی آکار، تورکیهنین اف-35 ساواش اوچاقلارینین موشتریسی دئییل اورتاغی اولدوغونو سؤیلهدی.
حلوصی آکار، آنادولو آژانسیندا گوندمه باغلی آچیقلامالار وئریب.
حلوصی آکار، اف-35 موضوعسوندا ائتدیگی آچیقلامادا، بو موضوعدا اوستلرینه دوشنی ائتدیکلرینی و بو آنا قدر 1.4 میلیارد دولار اؤدهدیکلرینی بیلدیریب.
تورکیهنین روسیادان اس-400 هاوا ساوونما سیستملرین آلماسییلا آمریکانین اف-35لرین موضوعسوندا تورکیهیه چتینلیک چیخارتدیغینی وورغولایان آکار، بونون اویغون بیر داورانیش اولمادیغینی ایضاح ائتدیکلرینی ایفاده ائتدی.
اس-400دن اف-35 اوچاقلاری ایله قارشیلیقلی تأثیره گیرهجگی ایستیقامتینده آمریکانین ناراحاتلیغینین یئرسیز اولدوغونو ایفاده ائدن آکار، "نوروئژده اس-400لر وار و اوچان اوچاقلار وار قارلشیلیقلی تأثیره گیرمیرلر." دئدی.
آکار، دیگر طرفدن، اس-400لرین قورولماسی پروسهسینین پلانلاندیغی کیمی داوام ائتدیگینی وورغولادی.
اف-35لرین موضوعسونو آمریکایا بئزمهدن ایفاده ائتمهیه چالیشدیقلارینی ایفاده ائدن آکار،
"اگر بو مومکون اولمازسا طبیعی اولاراق آختاریشلارا گیرهجگیمیزی (اونلارا) سؤیلهییریک. اف 35-اوهتیمینه ده قاتقی وئریریک. مین پارچاسی تورکیهده چیخاریلیر. حل ائتمهیه چالیشاجاغیق. بو ایشین بیر حلّی اولاجاغینا اینانیریق. "دئدی.
(اف-35 موضوعسوندا) دانیشیقلارین داوام ائتدیگینی و اؤنوموزدکی گونلرده بو دانیشیقلارین داها دا آرتاجاغینی وورغولایان آکار، آمریکادا پرزیدنتلیک سئچیم پروسهسینین ایشلدیگینی، تکنیک سویهده تورکیهنین حاقلی اولدوغونو سؤیلهدی.
آکار، تورکیهنین فرقلی هاوا ساوونما سیستملرینی ده آلا بیلهجگینی سؤیلهدی.