اردوغان:"هئچ کس تورکیه-نین بو جوغرافیاداکی موجودلوغوندان ناراحات اولمامالیدیر"
بونو پرزیدنت رجب طیب اردوغان قطرده تورکیه-قطر بیرلشمیش مشترک حربی قوه قوموتانلیغینی زیارتی زامانی دئییب.
![اردوغان:"هئچ کس تورکیه-نین بو جوغرافیاداکی موجودلوغوندان ناراحات اولمامالیدیر"](http://cdn.trt.net.tr/images/xlarge/rectangle/6794/597f/4e8c/5ddcc6a6884b5.jpg?time=1718822189)
هئچ کس تورکیه-نین بو جوغرافیاداکی موجودلوغوندان ناراحات اولمامالیدیر.
بونو پرزیدنت رجب طیب اردوغان قطرده تورکیه-قطر بیرلشمیش مشترک حربی قوه قوموتانلیغینی زیارتی زامانی دئییب.
پرزیدنت اردوغان اؤلکه سرحدلری داخیلینده و خاریجینده تورکیه-نین بقاسی، میللتین تهلوکهسیزلیگی، دوست و قارداش اؤلکهلرین دینجلیگی اوچون فداکارجاسینا وظیفه عهده لنن بوتون تهلوکهسیزلیک قوهلریمیزه اوغورلار دیلهییب.
قطر ایله حربی، تهلوکهسیزلیک و مودافعه صنایعسی ساحهسیندکی بیرگه لاییحهلرین ایکیلی موناسیبتلرین اساسینی تشکیل ائتدیگینه دقت چکن اردوغان دئییب:
"قطرین تهلوکهسیزلیگینی اؤلکهمیزین تهلوکه سیزلیگیندن آیری توتموروق. الیمیزدکی ایمکانلارلا امکداشلیغیمیزی گوجلندیرمک اوچون سعیلریمیز داوام ائدیر. 2017-جی ایلده باش وئرن بحراندان سونرا حربچیلریمیز قطرده وظیفهلرینی داوام ائتدیریرلر. تورکیه تاریخین هئچ بیر دؤورونده دوستلارینی تهدیدلر و تهلوکهلر قارشیسیندا یالنیز بوراخماییب و بوراخمایاجاق. تورکیه اولاراق گوجلو علاقهلریمیزین اولدوغو کؤرفز بؤلگهسینین باریش، تهلوکهسیزلیک و ثابتلیگینه بؤیوک اهمیت وئریریک. بو بؤلگهنین دینجلیگینین بوتون اورتا دوغو ثابتلیگی باخیمیندان آچار رول اوینادیغینا اینانیریق".
پرزیدنت رجب طیب اردوغان قطردکی گؤروشلرینی باشا ووروراق وطنه قاییدیب.