اردوغان: بغدادینین حیات یولداشی یاخالاندی
"بیز ده حیات یولداشینی یاخالادیق اما بیز های کۆی سالمادیق"
![اردوغان: بغدادینین حیات یولداشی یاخالاندی](http://cdn.trt.net.tr/images/xlarge/rectangle/bb7d/f189/a585/5dc2ba151a3ed.jpg?time=1718830857)
پرزیدنت رجب طیب اردوغان، ترور هؤرگوتو داعشین اؤلدورولهن چتهباشی ابوبکر البغدادینین حیات یولداشینین دا یاخالاندیغینی آچیقلادی.
باشکند آنکاراداکی بئشتپه میلت کنگره و مدنیت مرکزینده آنکارا اونیورسیته سی ایلاهیات فاکولتهسی ۷۰.جی ایل قوتلاما مراسیمینه قاتیلان پرزیدنت، بورادا دانیشماسیندا، آمریکا بیرلشمیش دؤولتلرینین سوریهده تشکیل ائتدیگی عملیاتدا بغدادینین اؤزونو تونلده پاتلاتدیغینی خاطیرلاداراق،
"بیز ده حیات یولداشینی یاخالادیق اما بیز های کۆی سالمادیق، ایلک دفعه ایندی بو گون آچیقلاییرام. عینی شکیلده باجیسینی، باجیسینین ارینی اونلاری اوستهلیک سوریه طرفینده یاخالادیق. بیز بو نقطهده چالیشمالاریمیزی ان گوجلو شکلیده داوام ائتدیریریک" دئیه دانیشدی.
تروریستین، اؤز آزغین دعویسی اوچون گؤزونو قیرپمادان سوچسوزلارین قانینی تؤکهن آدام اولدوغونو، بو باخیمدان مسلماندان تروریست اولمایاجاغینی وورغولایان اردوغان،
"اوتانمادان، سیخیلمادان "اسلامی ترور" ایفادهسینی ایشلدن باتینین اؤنجه آینایا باخماسی لازیمدیر. اگر تروریست آختاریرسینیزسا اونلار سیزده. اسلامین آدینی قوللاناراق ترور فعالیتی یئریدنلرین هامیسینین اۆستونو قازین، آلتیندان ایسلام دوشمنلری چیخاجاق. (فتحاللهچی ترور هؤرگوتو) فئتونون گئرچکده نه اولدوغونو گؤرمک ایستییرسینیزسه چتهباشلارینین هارادا، کیملرین حمایهسینده یاشادیغینا باخین" ایفادهلرینی ایشلتدی.