کالین:"باریش چئشمه‌سی" عملیاتی بیر ترور دؤولتی قورماق پلانینی آلت-اوست ائتدی"

جمهور باشقانیلیغی سؤزچوسو ابراهیم کالین "باریش چشمه‌سی" حرکاتی‌نین سوریه-نین قوزیی ینده بیر ترور دهلیزی، حتی ترور دؤولتی قورماغی هدف آلان مقصدلره جدی سویه‌ده سون قویدوغونو بیلدیردی.

کالین "بو ترور دهلیزینه چوخ جدی ضربه وورولدو، لاکین بیز احتیاط‌لی اولماقدا داوام ائدیریک. ترورچولارین آسان‌لیقلا نیت‌لرین‌دن ال چکمه یه جگینی بیلیریک" دئدی.

جمهور باشقانیلیغی سؤزچوسو ابراهیم کالین جمهور باشقانلیغی کابینه ایجلاسی کئچیریلرکن تشکیل ائتدیگی مطبوعات کنفرانسیندا بیلدیردی کی، سوریه-ده ایستر سیاسی پروسه نین ایره‌لیلمه‌سی، ایسترسه آنایاسا کمیسیونونون ایشی‌نین داوام ائتدیریلمه‌سی و قانونی، دموکراتیک و هر قروپو احاته ائدن بیر حکومتین قورولماسی اوچون سئچکی‌لر کئچیریلمه‌لی‌دیر. بونون اوچون گؤروله‌سی چوخ ایش وار. آیریجا وورغولاماق ایستردیک کی، ترورلا موباریزه تک بیر نقطه‌ده آپاریلان پروسه دئییل، داوام ائدن بیر پروسه دیر. "باریش چشمه‌سی" عملیاتی سرحدیمیزین یالنیز گونئی ینده، خصوصاً ده سوریه-نین قوزیی و قوزیی- دوغوسوندا بیر ترور دهلیزی، حتی بیر ترورچو دؤولت قورماغا یؤنلمیش مقصدلره جدی معنادا سون قویدو.

تورکیه-‌نین هم اؤز تورپاق‌لاریندا هم ده بؤلگه‌دکی بوتون آزلیق‌لارین و دیگر ائتنیک قروپ‌لارین تهلوکه‌سیزلیگی موضوع سوندا ان بؤیوک حساس لیگی گؤستردیگینی و گؤسترمه‌یه داوام ائدجگینی ایفاده ائدن ابراهیم کالین "باریش چشمه‌سی" عملیاتی‌نین موفقیتینه کؤلکه سالماق مقصدلی تخریباتچی‌لیق فعالیت‌لرینه قارشی هر کسین چوخ دقت‌لی اولماسی‌نین واجیب‌لیگینی ده دیله گتیردی.