روحانی اردوغانی تبریک ائتدی
"ذات عالینیزه و اؤلکه‌نیزین خالقینا ان صمیمی تبریکلریمی بیلدیریرم"
ایران پرزیدنتی حسن روحانی، تورکییه جمهوریتینین قورولوشونون ۹۶.جی ایل دؤنومو سببی ایله پرزیدنت رجب طیب اردوغانا تبریک مئساژی گؤندردی.
روحانی، ایران جمهورباشقانلیغی سایتین‌دا یاییملانان یازی‌لی آچیقلاماسین‌دا پرزیدنت اردوغانا خطاب اولاراق، تورکییه جمهوریتینین قورولوشونون ایل دؤنومو وسیله‌سیله ذات عالینیزه و اؤلکه‌نیزین خالقینا ان صمیمی تبریکلریمی بیلدیریرم" ایفاده‌لرینی ایشلتدی.
بؤلگه‌ده سون ۱۰ ایلدکی حادثه‌لر نظره آلیندیغیندا تورکییه ایله ایرانین دقته چارپان روللارینین پروبلئملرین حلینه کؤمکچی اولدوغونو وورغولایان روحانی، بونلاری قید ائتدی:
"تورکییه و ایرانین اوینادیغی رول، ایکی بؤیوک قونشو اؤلکه‌نین بیرلیک‌ده حرکت ائتمه‌سی حالین‌دا بؤلگه اؤلکه‌لرین‌ده ثابت‌لیک، گوونلیک و باریشین ضمانت آلتینا آلینماسین‌دا تعیین ائدیجی اولابیله‌جکلرینی گؤسترمیشدیر. تورکییه ایله ایرانین تاریخی، دوستلوق و قارداش‌لیق ایلیشکی‌لرینین داوام‌لی اولاراق گلیشمه‌سینین سئویندیریجی اولدوغونو ایفاده ائد‌ن روحانی، یوکسک سویه‌لی امکداش‌لیق شوراسینین قورولماسینین، سؤز قونوسو شورانین توپلانتیلارینین دۆزنلی بیر شکیل‌ده ائدیلمه‌سینین و بونون یانین‌دا اقتصاد، نقلیات و اکینچی‌لیکله ایلگیلی یارادیلان اؤزل کمیسیونلارین بو ایلیشکینی آرتیردیغینی ایفاده ائتدی.
