قادین شهیدلر خاطره‌سینه سویون آلتین‌داکی داشقانی چکدی
دریا جان، جمهوریتین 96-جی ایلی سببین‌دن چاناققالا ساواشی و ایستیقلال موباریزه‌سینده شهید اولان قادین‌لار خاطره‌سینه سویون آلتین‌داکی 100 کیلولوق داشقانی چکدی
سربست دالیش دونیا رکوردچوسو میللی ایدمانچی دریا جان، جمهوریتین 96-جی ایلی سببین‌دن چاناققالا ساواشی و ایستیقلال موباریزه‌سینده شهید اولان قادین‌لار خاطره‌سینه سویون آلتین‌داکی 100 کیلولوق داشقانی چکدی.
چاناققالادا دالیش رئال‌لاش‌دیران دریا جان‌ا، کوردون بویوندا اطراف‌داکی‌لار دا دستک وئردی.
سویون آلتین‌داکی 100 کیلوقرام‌لیق داشقانی چکدیک‌دن سونرا اوزه چیخان جان، عسگر سلامی وئریب تورک بایراغی ساللا‌دی.
جان، ژورنالیست‌لره ائتدیگی آچیقلامادا، شهید کاستامونولو شریفه باجیدان ایلهام‌لانا‌راق دالیشینی رئاللاشدیردیغینی سؤیله‌دی.
دریا جان، دالی گینس دونیا رکوردلاری آراسینا گیرمه‌سی اوچون چالیشدیق‌لارینی ایفاده ائده‌رک، بئله دانیشدی:
چاناققالا و قورتولوش ساواشی موباریزه‌سینده بیر چوخ قادین شهید وار. بیر چوخونون آدینی هامیمیز اونوتدوق. شریفه باجی واردی، 9 آیلیق کؤرپه‌سیله جبهه‌یه مهمات داشییارکن کؤرپه‌سیله قاردا دونا‌راق شهید اولدو. بیز اوندان ایلهام‌لانا‌راق بو دالیشی ائتدیک. ایستیقلال موباریزه‌سینده شهید اولان بوتون قادین‌لاریمیز اوچون بو دالیشی رئاللاشدیردیق. سویون آلتیندا 100 کیلوقرام‌لیق داشقا داشیدیم. حقیقتن چوخ چتین ایدی اما اونلارین یاشادیغی چتین‌لیک‌لرین یانیندا بیزیمکی حقیقتن چوخ اهمیت‌لی دئییل. جان، باریش پیناری حرکتینه قاتیلان عسگرلره ده سلام گؤندردی.
