جمهور باشقانی اردوغان:"بو، تروریزمله اورتاق موباریزه‌میزده بیر دؤنوش نقطه‌سی اولدو"

جمهور باشقانی رجب طیب اردوغان ترور تشکیلاتی داعش-ین باشچی‌سی البغدادی‌نین اؤلدورولمه‌سی خبری‌نین ممنونیتله قارشیلاندیغینی بیلدیریب.

تویتر سوسیال شبکه‌سینده موضوع ایله باغلی آچیقلاما وئرن اردوغان دئییب: "داعش باشچی‌سی‌نین اؤلدورولمه‌سی تروریزمله اورتاق موباریزه‌میزده بیر دؤنوش نقطه‌سی اولدو. ایستر داعش، ایستر پ.کا.کا / ی.پ.گ و ایسترسه ده دیگر ترور تشکیلات‌لاری ایله موباریزه‌ده ان آغیر بد‌لی اؤده‌ین تورکیه بو نتیجه نی ممنونیتله قارشیلاییر. اتفاق روحو ایچینده ترورلا قرارلی بیر موباریزه بوتون بشریته باریش گتیره‌جک".