اردوغان: آمریکا بونو بیزه تسلیم ائتمه‌لی‌دیر
"بیز کوردلره دوشمن دئییلیک اونلار بیزیم قارداشلاریمیز. بیزیم دردیمیز تروریستلردیر"
جمهورباشقانی رجب طیب اردوغان، "بیز کوردلره دوشمن دئییلیک. بیزیم دردیمیز تروریستلردیر" دئدی.
پرزیدنت اردوغان، تورکییه رادیو تلویزیون قورومو (ت‌رت)نین جانلی یایینیندا گوند‌می دگرلندیردی.
اردوغان،
"ترور هؤرگوتونون باشین‌دا اولانلارلا آلمانیا، فرانسا، آمریکا گؤروشور. مظلوم (کد آدلی) دئییله‌ن تروریست قیرمیزی اعلانلا آختاریلیر، آمریکا بونو بیزه تسلیم ائتمه‌لی‌دیر" دئدی.
تورک سلاح‌لی گوجلری طرفین‌دن سوریه‌ده فرات چایینین دوغوسوندا ائدیلن و داها سونرا آرا وئریله‌ن باریش بولاغی عملیاتینی دا دیرلندیره‌ن اردوغان،
"بولاقلار اورالاردا (فراتین دوغوسو) بول اولدوغو اوچون بیز بونا باریش بولاغی اولسون دئدیک. باریش بولاغی عملیاتی دا بئله‌جه باشلامیش اولدو" دئیه دانیشدی.
اردوغان،
"بیز کوردلره دوشمن دئییلیک اونلار بیزیم قارداشلاریمیز. بیزیم دردیمیز تروریستلردیر. بیز انشا و احیایا گلدیک، ییخماغا دئییل" دئدی.
اردوغان، عملیاتین عین العرب بؤلگه‌سینی احاطه ائدیب ائتمه‌یه‌جگینه گلیشمه‌لره گؤره قرار وئریله‌جگینی قید ائتدی.
ناتودا تورکییه‌نین استراتژیک اورتاغی اولان آمریکا بیرلشمیش دؤولتلرینین، (بؤلوجو) ترور هؤرگوتونه (پ‌کاکا) ۳۰ مین‌دن چوخ تریلی دولوسو سلاح و مهمات وئردیگینی سؤیله‌یه‌ن پرزیدنت،
"سوریه‌ده‌کی آغیر سلاحلارین سرعتله تمیزله‌نمه‌سی و یا بونلارین تورکییه‌یه بوراخیلماسی. ناتودا بیرلیکده‌ییک ها. بونلاری بیزه وئرسینلر" ایفاده‌لرینی ایشلتدی.
آمریکا پرزیدنتی دونالد ترامپ ایله صمیمی ایلیشکی ایچین‌ده اولدوقلارینی دا قید ائد‌ن پرزیدنت اردوغان، ۱۳ نوامبرداکی دعوتی بیر هیاتله اجابت ائده‌جگینی ده بیلدیردی.
ایلگیلی‌لی خبرلر
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب
