تورک قیزیل آی، یمنده ایچ کؤچکونلره 900 ارزاق قوتوسو داغیتدی
اوزون مدتدیر سیاسی غیری-ثابیتلیگین حؤکم سوردوگو یمنده حوثیلر ایله حکومته باغلی گوجلر آراسیندا چاتیشمالار باش وئریر
تورک قیزیل آی، یمنین دوغوسونداکی مأرب شهرینده ایچ کؤچکونلره 900 ارزاق قوتوسو داغیتدی.
تورک قیزیل آی یمن نماینده هئیتی باشقانی مصطفی آیدین، یمن قیرمیزی آی ایله کووردیناسیون حالیندا مأرب شهریندکی احتیاج صاحبی ایچ کؤچکون عائلهلره 900 ارزاق پاکتی پایلادیقلارینی بیلدیرهرک بو پاکتلرین گلهجک گونلرده موختلیف شهرلرده پایلاناجاق 5 مین ارزاق پاکتینین بیر پاچاسی اولدوغونو بیلدیردی.
اوزون مدتدیر سیاسی غیری-ثابیتلیگین حؤکم سوردوگو یمنده حوثیلر ایله حکومته باغلی گوجلر آراسیندا چاتیشمالار باش وئریر.
حوثیلر، سپتامبر 2014دن بو یانا باشکند صنعا و بعضی بؤلگهلرین نظارتینی الینده ساخلاییر. سعودی عربیستانی رهبرلیگی آلتینداکی کوالیسیون گوجلری ایسه مارس 2015دن بو یانا حوثیلره قارشی یمن حکومتینه دستک وئریر.
یمن؛ آجلیق، وبا، چاتیشما و هاوا سالدیریلاری سببیله بدلینی وطنداشلارین اؤددیگی بؤیوک بیر اینسانلیق درامینا صحنه اولور.