اردوغان‌دان ترامپا جواب
"سایین باشقان، انسانلیغین باش دوشمانی تروریزمی مغلوب ائتدیگیمیزده داها چوخ جان قورتاریلاجاق"
جمهورباشقانی رجب طیب اردوغان، آمریکا بیرلشمیش دؤولتلری پرزیدنتی دونالد ترامپین سوریه‌ده فرات چایینین دوغوسوندا یئریدیلن باریش بولاغی عملیاتینا ۵ گون آرا وئریلمه‌سینه دایر گؤروشمه‌لردن درحال سونرا سوسیال مئدیا اوزرین‌دن وئردیگی آچیقلامایا جاواب وئردی.
اردوغان تویتردن،
"سایین باشقان، انسانلیغین باش دوشمانی تروریزمی مغلوب ائتدیگیمیزده داها چوخ جان قورتاریلاجاق. بو اورتاق چابانین بؤلگه‌میزده باریشی و ثابت‌لیگی دستکله‌یه‌جگیندن آرخایینام" پایلاشیمینی ائتدی.
خاریجی ایشلر باخانی مؤولود چاووش‌اوغلو،جمهورباشکان‌لیغی ساراییندا، جمهورباشقانی اردوغان و آمریکا باشقان کؤمک‌چی‌سی مایک پنس آراسینداکی گؤروشمه ایله هیاتلر آراسی گؤروشمه‌دن سونرا دونن آچیقلامالار وئرمیش، سوریه‌ده فرات چایینین دوغوسوندا یئریدیلن باریش بولاغی عملیاتینا ۵ گون آرا وئریله‌جگینی بیلدیرمیشدی.
آمریکا پرزیدنتی دونالد ترامپ بونون اوزرینه تویتردن پرزیدنت اردوغانا تشکر ائد‌رک،
"تورکییه‌دن گؤزل خبرلر وار، میلیونلارجا حیات قورتاریلاجاق" ایفاده‌لرینه یئر وئردی.
