راس العین تورک اوردوسونون کنترلوندا
شهردهکی بؤلوجو ترور هؤرگوتو پکاکا/یپگیه عاید بایراقلار ائندیریلدی
![راس العین تورک اوردوسونون کنترلوندا](http://cdn.trt.net.tr/images/xlarge/rectangle/f920/e0a9/6a8c/5da1a19b8e005.jpg?time=1718913665)
میللی ساوونما باخانلیغی، باریش بولاغی عملیاتی چرچیوهسینده سوریهده فرات چایینین دوغوسوندا داوام ائدن اوغورلو عملیاتلار نتیجهسینده راس العین یئرلشیم یئرینین کنترل آلتینا آلیندیغینی بیلدیردی.
۹ اکتبردان بو یانا تورک عسگری، راس العیندهکی ترور هدفلرینی هویتزرلر و اف۱۶لار ایله یئرله بیر ائتدی.
قورودان کماندولار ایله بیرلیکده سوریه میللی اوردوسو آددیم آددیم ایرلیلهدی.
اؤنجه راس العین و تل ابیض آراسیندا اولان ۱۴ کند تمیزلهندی، تروریستلر آراسینداکی باغلانتی کسیلدی.
دونن گئجه راس العین بؤلگهسی شدتلی چاتیشمالارا صحنه اولدو.
ایلک اولاراق ائلچه گیریشینده اولان صنایع محلهسی تروریستلردن آریندیریلدی.
آردیندان سوریه میللی اوردوسو، راس العین شهر مرکزینین کنترلونو اله گئچیردی.
شهردهکی بؤلوجو ترور هؤرگوتو پکاکا/یپگیه عاید بایراقلار ائندیریلدی.
سوریه میللی اوردوسو، ساحه آختارما چالیشمالارینا باشلادی.
میللی ساوونما باخانلیغی قونویا دایر سوسیال مئدیا حسابی تویتردن،
"باریش بولاغی عملیاتی چرچیوهسینده داوام ائدن اوغورلو عملیاتلار نتیجهسینده فراتین دوغوسونداکی راس العین مسکون محلی کنترل آلتینا آلیندی" آچیقلاماسینی وئردی.
ایلگیلیلی خبرلر
![ترورلا موباریزه قطعیتله داوام ائدیر](http://cdn.trt.net.tr/images/medium/rectangle/828b/04e9/7c0a/666c1fc0b666e.jpg?time=1718913665)
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب