پ‌کاکا سالدیریسیندا ۱۱ وطنداشیمیز شهید اولدو

باریش بولاغی عملیاتی ایله کۆنجه سیخیشان بؤلوجو ترور هؤرگوتو یپگ/پ‌کاکا، یئنه مولکی وطنداشلارا سالدیردی.

ماردین و شانلی‌اورفادا ۱۱ وطنداش شهید اولدو، ۳۷ نفر یارالاندی.

تروریستلر سوریه تورپاقلارین‌دا ایشغال ائتدیکلری بؤلگه‌دن توپ و راکتلرله سالدیردی.

وطنداشلارا قارشی سالدیریدا ۸ نفر شهید اولدو.

شهیدلر آراسین‌دا، تورکییه رادیو تلویزیون قورومونون ت‌رت کۆردی کانالی امکداشلارین‌دان گول‌آی دمیرین آتاسی محمد شیرین دمیر ده وار.

سالدیریدا یارالانان ۳۵ نفر نصیبین دؤولت خسته‌خاناسینا قالدیریلدی.

تروریستلر شانلی اورفادا دا وطنداشلارا سالدیردی.

سوروچ ائلچه‌سینه باغلی چایکارا محله‌سینه توپ ایله سالدیری تشکیل ائدیلدی.

سالدیریدا ایکی وطنداش شهید اولدو. یارالانان ۳ نفر ایسه خسته‌خانایا آپاریلدی.

یارالیلاردان ایسماعیل داشقین ائدیله‌ن مداخیله‌یه باخمایاراق شهید اولدو و شهید ساییمیز اوچ نفره یوکسلدی.

ایکی یارالینین معالیجه‌سی ایسه داوام ائدیر.