چاووش اوغلو آوروپا‌لی رسمی‌لرله کؤچ مسئله‌سینی موذاکیره ائتدی
خاریجی ایشلر ناظیری مولود چاووش اوغلو آوروپا بیرلیگی‌نین کؤچ مسئله سینده تورکیه ایله داها ساغلام امکداش‌لیق ایسته‌دیگینی گؤردوک‌لرینی ایفاده ائده‌رک، آنجاق وئریلن وعدلرین ده یئرینه یئتیریلمه‌سی‌نین واجیب‌لیگینی سؤیله‌دی.
خاریجی ایشلر ناظیری مولود چاووش اوغلو آوروپا بیرلیگی‌نین کؤچ مسئله سینده تورکیه ایله داها ساغلام امکداش‌لیق ایسته‌دیگینی گؤردوک‌لرینی ایفاده ائده‌رک، آنجاق وئریلن وعدلرین ده یئرینه یئتیریلمه‌سی‌نین واجیب‌لیگینی سؤیله‌دی.
چاووش اوغلو آوروپا بیرلیگی‌نین کؤچ، ایچ ایشلر و وطنداش‌لیق عذره عضوو آوراموپوولوس آلمانیانین ایچ ایشلر ناظیری زهوفر و پاریس-ده پولیس‌لره هوجوم سببیندن آنکارایا سفرینی لغو ائدن فرانسانین ایچ ایشلر ناظیری کریستوف کاستانری تمثیل ائدن فرانسانین آنکارا سفیری چارلز فریسه کؤچ پروبلئمینی موذاکیره ائتمک اوچون آوروپا بیرلیگی ناظیرلیگینده بیر آرایا گلدی.
چاووش اوغلو گؤروش‌دن سونرا وئردیگی آچیقلامادا هم کؤچ موضوع سونو هم ده تورکیه-آوروپا بیرلیگی علاقه لرینی قیمتلندیرمه ایمکانی الده ائتدیک‌لرینی سؤیله‌دی.
چاووش اوغلو"تورکیه-نین سعی‌لری داوام ائدرکن آوروپا بیرلیگی-دن ده گؤزلنتی‌لریمیزی دیله گتیردیک. سون زامان‌لاردا یونانیستان آدا‌لارینا کئچیشده کیچیک بیر آرتیم اولدوق‌دان سونرا تورکیه-یه ایستیقامت‌لی اساس‌سیز اتهام‌لار دا اولدو. (فرانسا پرزیدنتی امانوئل ماکرون)ون آوروپا شوراسی پارلامئنت مجلیسینه خطاب ائدرکن، بیر سوالا جاواب وئررکن داها دوزو، تورکیه-نی اتهام ائتمه‌سی قبول ائدجگیمیز بیر وضعیت دئییل. بو جور اتهام‌لارین یئرینه پروبلئمی بیرلیکده حل ائتملیگیک" دئدی.
چاووش اوغلو بو یاخین‌لاردا آلمانیا، فرانسا و اینگیلتره‌ده ترور تشکیلاتی پ.کا.کا-یا قارشی بیر سیرا تدبیرلرین گؤرولدوگونو خاطیرلادا‌راق، "آنجاق بیز بون‌لاری کیفایت‌سیز گؤروروک. یاخشی باشلانغیج اما غیری-کافی‌دیر. فتح الله چی ترور تشکیلاتینا (فتو) قارشی موباریزه اوچون کیفایت قدر دستک گؤرمه‌دیک "دئدی.
"آوروپا بیرلیگی ایله نئجه امکداش‌لیق ائتمک ایسته‌دیگیمیزی سؤیله‌دیک" دئیه بیلدیرن چاووش اوغلو گؤروشون ثمره‌لی اولدوغونو قئید ائتدی.
