تورکیهدن اورتاق آچیقلامایا اعتراض
آنکارا، یونانیستان، مصر و گونئی قیبریس روم رهبرلیگینین تورکیهیه قارشی آچیقلانان اورتاق آچیقلاماسینا آغیر اعتراض گؤستردی
آنکارا، یونانیستان، مصر و گونئی قیبریس روم رهبرلیگینین (GKRY) تورکیهیه قارشی آچیقلانان اورتاق آچیقلاماسینا آغیر اعتراض گؤستردی.
خاریجی ایشلر ناطیرلیگینین سؤزچوسو حامی آکسوی، 3 اولکهنین دیش ایشلری ناطیرلرینین قاتیلیمی ایله آمریکانین نیو-یورک شهرینده دوزنلنن کونفرانس سونوندا یاییملانان اورتاق آچیقلامادا یئر آلان تورکیهیه قارشی سندسیز ادعالاری بو مسجیدین رد ائتدیکلرینی بیلدیریب.
آکسوی، مسئلهیه دایر سوالا وئردیگی یازیلی جوابدا، یونانیستان و گونئی قیبریس روم رهبرلیگینین اولوسلار آراسی حقوقا ضد، ماکسیمالیست میللی سیاستینه سون دؤورده آوروپا بیرلیگی اؤلکهلرینه یاناشی، بؤلگه اؤلکهلرینی ده جلب ائتمهیه ایشلرینین، شرقی آرالیق دنیزده باریش و ثابتلییه خیدمت ائتمدیگینی قئید ائتدی.
آکسوی، بونلاری قئید ائتدی:
"بؤلگه اؤلکهلرینین اژه دنیزی پروبلملری و قیبریس مسئلهسینده نه صلاحیتلری، نه مسئولیتلری نه ده دئیهجکلری بیر سؤزلری وار. شرق آغدنیزده تورکیهنی و قیبریس تورکلرینی یوخ سایماغا و تجرید ائتمهیه یؤنلمیش، سیاسی سببلرله آتیلان آددیملارین اوغورلو اولما شانسی یوخدور. بوندان باشقا، یونانیستانین بیر طرفدن بیزه امکداشلیق مساژلاری گؤندررکن دیگر طرفدن، اؤلکهمیزه قارشی سندسیز ادعالاردا اولماسی دا غیری-صمیمیلیگین گؤستریجیسیدیر".
آکسوی، "بؤلگهده تورکیهنین و قیبریس تورکلرینین ایچینده اولمادیغی پروژهلر هئچ بیر زامان فعال و تأثیرلی اولمایاجاق. شرق آغدنیزده اؤلکهمیزین و قیبریس تورکلرینین حاقلارینی ساوونمایا سونونا قدر داوام ائدجگیک". ایفادهلرینی ایستیفاده ائتدی.
یونانیستان، مصر و گونئی قیبریس روم رهبرلیگینین خاریجی ایشلر ناطیرلرینین گؤروشمهسینین آردیندان ائدیلن آچیقلامادا تورکیهنین اژه دنیزی، شرقی آغدنیزده غیری-قانونی فعالیتلر داوام ائتدیردیگی ادعا ائدیلمیشدی.