اردوغان بیرلشمیش میللتلرده دانیشدی
"هرکس اوچون باریش، هرکس اوچون اؤزگورلوک، هرکس اوچون ریفاه، هرکس اوچون عدالت، هرکس اوچون راحت و گوونلی گلهجک"
جمهورباشقانی رجب طیب اردوغان، دونیانین کۆرهسل بیر عدالتسیزلیکله اوز اوزه اولدوغونو، بونون دا گوج مباریزهلرینه یول آچدیغینی بیلدیردی.
اردوغان، آمریکا بیرلشمیش دؤولتلرینین نیویورک شهرینده توپلانان بیرلشمیش میللتلر تشکیلاتینین باش قورولونا خطاب ائتدی.
"دونیانین شانسلی آزینلیغی روباتلاری دارتیشیرکن، ۱ میلیارددان آرتیق انسانین آجلیق سرحدینین آلتیندا یاشاماسی چوخ آجیدیر" دئیهن پرزیدنت اردوغان، دونیانین بیر طرفی لوکس ایچینده حیاتینی داوام ائتدیررکهن، دیگر طرفده آجلیغین اولماسینین قبول ائدیلمز اولدوغونو دئدی.
"دونیا ۵دن (بیرلشمیش میللتلر دائمی عضولری) بؤیوکدور" شعارینی تکرارلایان اردوغان،
"ذهنیتیمیزی ده وراللاریمیزی دا دییشدیرمه زامانی چوخدان گلمیشدیر" ایفادهلرینی ایشلتدی.
نوکلئر سلاحلارین هر بحراندا بهانه کیمی اورتایا قویولماسیندان راحاتسیزلیق دویدوغونو بیلدیرهن اردوغان،
"نوکلر گوج، یا هر کسه قاداغان یا دا هر کسه سربست اولمالیدیر" دئیه دانیشدی.
پرزیدنت اردوغان، سوریه بحرانینا و قاچقین آخینینا چؤزوم، عیرقچیلیق، ایسلام قارشیدلیغی و تروریزمله اولوسلارآراسی مباریزه، مستقیل فیلیسطین دؤولتی قورولماسینین ضرورتی، دوغو آغ دنیز مسئلهسیندهکی یاناشیملارین عدالتسیزلیگی، کشمیرلیلرین محاصرهدن قورتولوب گلهجکلرینین گوونلیک آلتینا آلینماسی کیمی بیر چوخ قونوداکی قیکیرلرینی ده آنلاتدی.
یئنی زلانددا مسلمانلاری هدف آلان سالدیرینین ایلدؤنومو اولان ۱۵ مارسین "ایسلام دوشمنلیگینه قارشی دایانیشما گونو" اعلان ائدیلمهسینی تکلیف ائدن جمهورباشقانی، ۷۵.جی باش قورول باشقانلیغی وظیفهسینه، آوروپا بیرلیگی اسکی باخانی و تورکییه بؤیوک میللت مجلیسی خاریجی ایشلر کمیسیونو باشقانی، ائلچی وولکان بوزقیری نامیزد گؤستردیکلرینی ده آچیقلادی.
اردوغان سؤزلرینی،
"هرکس اوچون باریش، هرکس اوچون اؤزگورلوک، هرکس اوچون ریفاه، هرکس اوچون عدالت، هرکس اوچون راحت و گوونلی گلهجک" شکلینده تاماملادی.